ഇന്ന്‌ അത്തം; പൊന്നോണത്തെ വരവേല്‍ക്കാന്‍ ഒരുങ്ങി നാട്‌ ഇത്തവണ പതിനൊന്നാം നാള്‍ തിരുവോണം

ഓണക്കാലം തുടങ്ങിയിരിക്കെ വിപണിയിൽ ഉണർവ് നിറഞ്ഞ തിരക്കാണ്. ഇത്തവണ ചിത്തിര നക്ഷത്രം രണ്ട് ദിവസം വരുന്നതിനാൽ തിരുവോണം പതിനൊന്നാം നാളിലാണ് ആഘോഷം.

വസ്ത്ര, ഇലക്‌ട്രോണിക്‌സ്, ഗൃഹോപകരണ വിപണികളിൽ ഓഫറുകളുടെയും ഡിസ്‌കൗണ്ടുകളുടെയും പെരുമഴയിലാണ് വ്യാപാരികൾ. ഓണക്കോടി വാങ്ങാനെത്തുന്നവരാൽ വസ്ത്രശാലകൾ തിരക്കിലാണ്.

പൂക്കളുടെ വിപണിയും ചൂടുപിടിച്ചിരിക്കുകയാണ്. അത്ത പൂക്കള മത്സരങ്ങൾക്കും ഓഫീസ്–സ്കൂൾ അലങ്കാരങ്ങൾക്കുമായി മുൻകൂട്ടി ഓർഡറുകൾ ലഭിച്ചു തുടങ്ങി.

പച്ചക്കറി, പഴം വിപണിയും സജീവമാണ്. ഓണചന്തകളിലൂടെ വിലക്കുറവിൽ സാധനങ്ങൾ ലഭ്യമാകുന്നതോടെ സാധാരണക്കാർക്ക് ആശ്വാസവും, മികച്ച വില പ്രതീക്ഷിച്ച് വിളകളുമായി കർഷകരും വിപണിയിലേക്ക് എത്തിയിട്ടുണ്ട്