എം.ജി. സർവകലാശാലയോട് അഫിലിയേറ്റ് ചെയ്തിട്ടുള്ള സ്വയംഭരണ കോളേജുകൾ ഒഴികെയുള്ള ആർട്സ് ആൻഡ് സയൻസ് കോളേജുകളിലെ അഞ്ചാം സെമസ്റ്ററിലേക്കുള്ള ഇന്റർ കോളേജിയേറ്റ് ട്രാൻസ്ഫറിനായുള്ള ഓൺലൈൻ അപേക്ഷകൾ ജൂൺ 10 വരെ സമർപ്പിക്കാം.

ആദ്യ അലോട്ട്മെന്റ് ലിസ്റ്റ് ജൂൺ 11-ന് പ്രസിദ്ധീകരിക്കും. അലോട്ട്മെന്റ് ലഭിക്കുന്ന വിദ്യാർഥികൾ ജൂൺ 12-ന് ബന്ധപ്പെട്ട കോളേജുകളിൽ റിപ്പോർട്ട് ചെയ്ത് പ്രവേശനം നേടണം.

രണ്ടാം അലോട്ട്മെന്റ് ലിസ്റ്റ് ജൂൺ 15-ന് പ്രസിദ്ധീകരിക്കും. രണ്ടാം അലോട്ട്മെന്റിൽ പ്രവേശനം ലഭിക്കുന്നവർ ജൂൺ 16-ന് കോളേജുകളിൽ റിപ്പോർട്ട് ചെയ്ത് അഡ്മിഷൻ പൂർത്തിയാക്കേണ്ടതാണ്.

കൂടുതൽ വിവരങ്ങൾക്കും ഓൺലൈൻ അപേക്ഷ സമർപ്പിക്കാനും എം.ജി. സർവകലാശാലയുടെ പ്രവേശന പോർട്ടലായ CAP വെബ്സൈറ്റ് സന്ദർശിക്കാവുന്നതാണ്.