സ്കൂള് ബാഗിന്റെ ഭാരം കുറയ്ക്കും; വീണ്ടും നിര്ദേശങ്ങള് ക്ഷണിച്ച് വിദ്യാഭ്യാസ മന്ത്രി.
Reporter | Kerala Journal 
തിരുവനന്തപുരം:-സ്കൂള് ബാഗിന്റെ ഭാരം കുറയ്ക്കുന്നതിനായ് വീണ്ടും നിർദേശങ്ങള് ക്ഷണിച്ച് വിദ്യാഭ്യാസ മന്ത്രി വിശിവന്കുട്ടി.
പാഠപുസ്തകങ്ങളുടെയും നോട്ട്ബുക്കുകളുടെയും ഭാരം കുറയ്ക്കാനാണ് നടപടികള് സ്വീകരിക്കുക. ഇതിനുവേണ്ടി പൊതുജനങ്ങളില് നിന്ന് അഭിപ്രായങ്ങളും നിര്ദേശങ്ങളും ക്ഷണിച്ചുകൊണ്ട് മന്ത്രി ഫേസ് ബുക്കില് പോസ്റ്റ് ഇട്ടിട്ടുണ്ട്.
കുഞ്ഞുങ്ങള്ക്ക് പാഠപുസ്തക ബാഗിന്റെ ഭാരം കുറയ്ക്കും. സ്കൂള് ബാഗുകളുടെ അമിത ഭാരം സംബന്ധിച്ച ആശങ്കകള്ക്ക് പരിഹാരം കാണാൻ സർക്കാർ ശ്രദ്ധ ചെലുത്തുന്നുണ്ട്. പഠനം ഒരു ഭാരമാകാതെ സന്തോഷകരമായ അനുഭവമാക്കി മാറ്റാനാണ് നമ്മുടെ ശ്രമം. പാഠപുസ്തകങ്ങളുടെയും നോട്ട് ബുക്കുകളുടെയും ഭാരം കുറയ്ക്കുന്നതിനുള്ള നടപടികള് സ്വീകരിക്കും. ഈ വിഷയത്തില് എല്ലാവരുടെയും അഭിപ്രായങ്ങളും നിർദേശങ്ങളും സ്വാഗതം ചെയ്യുന്നു എന്നാണ് മന്ത്രിയുടെ പോസ്റ്റ്.
