കേരള നിയമസഭാ തെരഞ്ഞെടുപ്പിനെ മുന്നിൽ കണ്ടുകൊണ്ട് മുസ്ലിം ലീഗ് 25 മണ്ഡലങ്ങളിലെ സ്ഥാനാർത്ഥികളെ പ്രഖ്യാപിച്ചു. ആരോഗ്യ പ്രശ്നങ്ങളെ തുടർന്ന് മുതിർന്ന നേതാവ് എം.കെ. മുനീറിന് ഇത്തവണ സീറ്റ് നൽകിയിട്ടില്ല. മുൻ മന്ത്രിയായ പി.കെ. കുഞ്ഞാലിക്കുട്ടി ഇത്തവണ വേങ്ങരയ്ക്ക് പകരം മലപ്പുറം മണ്ഡലത്തിൽ നിന്നാണ് മത്സരിക്കുക. വേങ്ങരയിൽ കെ.എം. ഷാജിയെയാണ് പാർട്ടി രംഗത്തിറക്കുന്നത്.

കോഴിക്കോട് സൗത്തിൽ അഡ്വ. ഫൈസൽ ബാബു, പേരാമ്പ്രയിൽ ഫാത്തിമ തഹ്ലിയ എന്നിവർ മത്സരിക്കും. കൂത്തുപറമ്പിൽ ജയന്തി രാജനും കുന്നമംഗലത്ത് റസാക്ക് മാസ്റ്ററും സ്ഥാനാർത്ഥികളാകും. മഞ്ചേരിയിൽ അഡ്വ. റഹ്മത്തുള്ളയും തിരൂരങ്ങാടിയിൽ പി.എം.എ സമീറും മത്സരിക്കും.

തിരുവമ്പാടി മണ്ഡലത്തിൽ സി.കെ. കാസിം വീണ്ടും മത്സരിക്കും. കുറ്റ്യാടിയിൽ പാറക്കൽ അബ്ദുള്ള, മഞ്ചേശ്വരത്ത് എ.കെ.എം അഷറഫ്, കോട്ടക്കലിൽ ആബിദ് ഹുസൈൻ തങ്ങൾ, മണ്ണാർക്കാട് എൻ. ഷംസുദ്ദീൻ, കളമശ്ശേരിയിൽ അഡ്വ. വി.ഇ അബ്ദുൽ ഗഫൂർ എന്നിവർ സ്ഥാനാർത്ഥികളാണ്. പുനലൂർ, ചേലക്കര മണ്ഡലങ്ങളിലെ സ്ഥാനാർത്ഥികളെ പിന്നീട് പ്രഖ്യാപിക്കും.

 മുസ്ലിം ലീഗ് സ്ഥാനാർത്ഥികളുടെ പട്ടിക

മഞ്ചേശ്വരം – എ.കെ.എം അഷറഫ്

കാസർഗോഡ് – കല്ലട്ര മായിൻ ഹാജി

അഴിക്കോട് – കരീം ചേലേരി

കൂത്തുപറമ്പ് – ജയന്തി രാജൻ

കുറ്റ്യാടി – പാറക്കൽ അബ്ദുള്ള

പേരാമ്പ്ര – ഫാത്തിമ തഹ്ലിയ

തിരുവമ്പാടി – കാസിം കൂടരഞ്ഞി

കൊടുവള്ളി – പി.കെ ഫിറോസ്

കുന്നമംഗലം – റസാക്ക് മാസ്റ്റർ

കോഴിക്കോട് സൗത്ത് – അഡ്വ. ഫൈസൽ ബാബു

വള്ളിക്കുന്ന് – ടി.വി ഇബ്രാഹിം

കൊണ്ടോട്ടി – ടി.പി അഷ്റഫ് അലി

മഞ്ചേരി – അഡ്വ. റഹ്മത്തുള്ള

ഏറനാട് – പി.കെ ബഷീർ

മലപ്പുറം – പി.കെ കുഞ്ഞാലിക്കുട്ടി

മങ്കട – മഞ്ഞളാംകുഴി അലി

പെരിന്തൽമണ്ണ – നജീബ് കാന്തപുരം

വേങ്ങര – കെ.എം ഷാജി

കോട്ടക്കൽ – ആബിദ് ഹുസൈൻ തങ്ങൾ

തിരൂർ – കുറുക്കോളി മൊയ്തീൻ

താനൂർ – പി.കെ നവാസ്

തിരൂരങ്ങാടി – പി.എം.എ സമീർ

മണ്ണാർക്കാട് – എൻ. ഷംസുദ്ദീൻ

ഗുരുവായൂർ – സി.എച്ച് റഷീദ്

കളമശ്ശേരി – അഡ്വ. വി.ഇ അബ്ദുൽ ഗഫൂർ