ഇടുക്കി നിയോജക മണ്ഡലത്തിന്റെ വികസന സാധ്യതകൾ ചർച്ച ചെയ്യുന്നതിനായി മലയാള മനോരമയുടെ നേതൃത്വത്തിൽ നവ ഇടുക്കി വികസന ശില്പശാല നാളെ കട്ടപ്പനയിൽ നടക്കും. ആർ.എം.എസ്. സ്‌പൈസസിന്റെ സഹകരണത്തോടെ സംഘടിപ്പിക്കുന്ന ശില്പശാല നാളെ ഉച്ചയ്ക്ക് 2 മണിക്ക് കട്ടപ്പന ആർ.എം.എസ്. സ്‌പൈസസ് ഓഡിറ്റോറിയത്തിൽ നടക്കും.

ഇടുക്കി എം.എൽ.എ റോയി കെ. പൗലോസിന്റെ നേതൃത്വത്തിൽ നടക്കുന്ന ശില്പശാലയിൽ കട്ടപ്പന നഗരസഭ ചെയർമാൻ, മണ്ഡലത്തിലെ മുഴുവൻ ബ്ലോക്ക് പഞ്ചായത്ത്, ഗ്രാമ പഞ്ചായത്ത് പ്രസിഡന്റുമാർ, ജില്ലാ പഞ്ചായത്ത് അംഗങ്ങൾ, വിവിധ രാഷ്ട്രീയ, സാമൂഹിക, സാംസ്കാരിക സംഘടനാ പ്രതിനിധികൾ തുടങ്ങിയവർ പങ്കെടുക്കും.

ഇടുക്കിയുടെ ഭാവി വികസന സാധ്യതകൾ കണ്ടെത്തുകയും നടപ്പാക്കാൻ കഴിയുന്ന പദ്ധതികൾക്ക് രൂപം നൽകുകയുമാണ് ശില്പശാലയുടെ ലക്ഷ്യം. അടിസ്ഥാന സൗകര്യ വികസനം, ടൂറിസം, റോഡ് വികസനം, അക്കാദമിക മേഖല, കൃഷി തുടങ്ങിയ വിവിധ മേഖലകളിലെ സാധ്യതകൾ ചർച്ചയ്ക്ക് വിധേയമാകും.

പൊതുജനങ്ങളിൽ നിന്ന് ലഭിച്ച നിർദേശങ്ങളും ചർച്ചകളിൽ ഉയർന്നുവരുന്ന ആശയങ്ങളും ഉൾപ്പെടുത്തി ഇടുക്കിയുടെ വികസന കാഴ്ചപ്പാട് രൂപപ്പെടുത്തും. ശില്പശാലയിൽ ഉരുത്തിരിയുന്ന നിർദേശങ്ങൾ ഭാവി വികസന പദ്ധതികൾക്കുള്ള മാർഗരേഖയായി അവതരിപ്പിക്കും.

മലയാള മനോരമ കട്ടപ്പന ആർ.എം.എസ്. സ്‌പൈസസിന്റെ സഹകരണത്തോടെയാണ് പരിപാടി സംഘടിപ്പിക്കുന്നത്.