വനസമ്പത്ത് നിലനിർത്തേണ്ടതിന്റെയും പ്രകൃതിയെ സംരക്ഷിക്കേണ്ടതിന്റെയും അനിവാര്യതയോർമ്മിപ്പിച്ചുകൊണ്ട് പെരിയാർ ടൈഗർ റിസർവിൽ ഈ വർഷത്തെ വനമഹോത്സവ വാരത്തിന് (ജൂലൈ 1–7) തുടക്കമായി. പെരിയാർ ഈസ്റ്റ് ഡിവിഷൻ ഡെപ്യൂട്ടി ഡയറക്ടർ ശ്രീ. സാജു പി.യു. IFS ചടങ്ങിന്റെ ഔദ്യോഗിക ഉദ്ഘാടനവും മുള തൈ നടീൽ കർമ്മവും നിർവ്വഹിച്ചു.

​പിടിസിഎഫ് (PTCF) ഗവേണിംഗ് ബോർഡ് അംഗം ശ്രീ. ഷാജി കുരിശുംമൂട് അധ്യക്ഷത വഹിച്ച ചടങ്ങിൽ, തേക്കടി റേഞ്ച് ഫോറസ്റ്റ് ഓഫീസർ ശ്രീ. ഫ്രാൻസിസ് എം. യോഹന്നാൻ സ്വാഗതം ആശംസിച്ചു. റിസർച്ച് റേഞ്ച് ഫോറസ്റ്റ് ഓഫീസർ ശ്രീ. മനോജ് ചടങ്ങിൽ മുഖ്യപ്രഭാഷണം നടത്തി.

​തേക്കടി ഡെപ്യൂട്ടി റെയിഞ്ച് ഫോറസ്റ്റ് ഓഫീസർ ശ്രീ. പ്രേംജിത്ത് ലാൽ, പിടിസിഎഫ് കൺസർവേഷൻ ബയോളജിസ്റ്റ് ശ്രീ. രമേഷ് ബാബു എന്നിവർ ആശംസകൾ അർപ്പിച്ചു സംസാരിച്ചു. പിടിസിഎഫ് അസിസ്റ്റന്റ് നേച്ചർ എഡ്യൂക്കേഷൻ ഓഫീസർ ശ്രീ. സുനിൽ സി.ജി. നന്ദി പ്രകാശിപ്പിച്ചു.