ഇടുക്കി: ജില്ലാ പഞ്ചായത്ത് നടപ്പാക്കുന്ന 'ഭിന്നശേഷിക്കാർക്ക് സൈഡ് വീൽ ഘടിപ്പിച്ച സ്കൂട്ടർ വിതരണം', 'ഇലക്ട്രിക് വീൽചെയർ വിതരണം' എന്നീ പദ്ധതികളിലേക്ക് അപേക്ഷ ക്ഷണിച്ചു.

ഇടുക്കി ജില്ലയിലെ ചലനശേഷി ബാധിച്ചവരും ബന്ധപ്പെട്ട ഗ്രാമപഞ്ചായത്തിന്റെ ഗുണഭോക്തൃ പട്ടികയിൽ ഉൾപ്പെട്ടിട്ടുള്ളവരുമാണ് അപേക്ഷിക്കാൻ അർഹർ.

അപേക്ഷകൾ ജില്ലാ സാമൂഹ്യനീതി ഓഫീസർ, മിനി സിവിൽ സ്റ്റേഷൻ, തൊടുപുഴ, ഇടുക്കി എന്ന വിലാസത്തിൽ ആഗസ്റ്റ് 31-ന് വൈകിട്ട് 5 മണിക്ക് മുമ്പായി സമർപ്പിക്കണം.

അപേക്ഷാ ഫോമുകൾ ബന്ധപ്പെട്ട ഗ്രാമപഞ്ചായത്ത് ഓഫീസുകളിലും തൊടുപുഴ മിനി സിവിൽ സ്റ്റേഷനിൽ പ്രവർത്തിക്കുന്ന ജില്ലാ സാമൂഹ്യനീതി ഓഫീസിലും ലഭിക്കും.

കൂടുതൽ വിവരങ്ങൾക്ക്: 04862 228160, 9496456464.