ഇരട്ടയാർ ഗ്രാമപഞ്ചായത്തിന്റെയും കൃഷിഭവന്റെയും സംയുക്താഭിമുഖ്യത്തിൽ സംഘടിപ്പിക്കുന്ന 2026-ലെ ചിങ്ങം 1 കർഷക ദിനാഘോഷത്തിന്റെ ഭാഗമായി കർഷക അവാർഡിനുള്ള അപേക്ഷകൾ ക്ഷണിച്ചു.

ഇരട്ടയാർ ഗ്രാമപഞ്ചായത്തിലെ 15 വാർഡുകളിലെ കർഷകർക്കാണ് അപേക്ഷിക്കാൻ അവസരം. മുതിർന്ന കർഷകൻ/കർഷക, ജൈവ കർഷകൻ/കർഷക, വിദ്യാർത്ഥി കർഷകൻ/കർഷക, വനിതാ കർഷക, എസ്.സി./എസ്.ടി. കർഷകൻ/കർഷക, ക്ഷീര കർഷകൻ/കർഷക, കർഷക തൊഴിലാളി, പച്ചക്കറി കൃഷി നടത്തുന്ന മികച്ച വിദ്യാലയം എന്നീ വിഭാഗങ്ങളിലാണ് അവാർഡുകൾ നൽകുക.

അപേക്ഷകൾ ഓഗസ്റ്റ് 10-ന് ഉച്ചകഴിഞ്ഞ് 3 മണിക്ക് മുമ്പായി ഇരട്ടയാർ കൃഷിഭവനിൽ നേരിട്ട് സമർപ്പിക്കണം. കഴിഞ്ഞ മൂന്ന് വർഷത്തിനിടെ കർഷക അവാർഡ് ലഭിച്ചവർ അപേക്ഷിക്കേണ്ടതില്ലെന്ന് കൃഷി ഓഫീസർ അറിയിച്ചു.