"നാടറിയും നന്മയുടെ നല്ലോണം" :
ഓണക്കിറ്റ് വിതരണം നടത്തി സ്കൂൾ വിദ്യാർത്ഥികൾ
Reporter | Kerala Journal 
തൊടുപുഴ : കരിമണ്ണൂർ സെൻറ് ജോസഫ്സ് ഹയർസെക്കൻഡറി സ്കൂളിലെ മലയാള മനോരമ നല്ലപാഠം ക്ലബ്ബിൻറെ നേതൃത്വത്തിൽ ഓണക്കിറ്റ് വിതരണം നടത്തി. തിരഞ്ഞെടുത്ത വീടുകളിൽ നേരിട്ട് എത്തിയാണ് കുട്ടികൾ ഓണക്കിറ്റ് നൽകിയത്.
ഐശ്വര്യത്തിൻ്റെയും സമ്പൽസമൃദ്ധിയുടെയും പ്രതീകമായ ഓണ നാളുകളിൽ പങ്കുവയ്പ്പിന്റെ മാതൃക ഉൾക്കൊണ്ടുകൊണ്ട് അധ്യാപകരും വിദ്യാർത്ഥികളും ഒത്തുചേർന്ന് നാടിൻ്റെ നന്മയ്ക്കായി വീടുകൾ സന്ദർശിക്കുകയും ഓണക്കിറ്റുകൾ എത്തിക്കുകയും ഓണാശംസകൾ നേരുകയും ചെയ്തു.
