കട്ടപ്പന : നാടക പ്രതിഭ കെ സി ജോർജിന്റെ ഒന്നാം ചരമവാർഷിക ദിനാചരണം ഇന്ന് വൈകിട്ട് നാല് മണിക്ക് കട്ടപ്പന സി.എസ്.ഐ. ഗാർഡനിൽ.

കെ സി ജോർജിന്റെ അനുസ്മരണ സമ്മേളനം പ്രശസ്ത നാടക-സിനിമാ നടൻ പ്രമോദ് വെളിയനാട് ഉദ്ഘാടനം ചെയ്യും.കട്ടപ്പന നഗരസഭാ ചെയർപേഴ്‌സൺ ബീനാ ടോമി അധ്യക്ഷത വഹിക്കും.

നാടകകൃത്ത് രാജീവൻ മമ്മിളി അനുസ്മരണ പ്രഭാഷണം നടത്തും. ഹേമന്ദ് കുമാർ, ജീവൻ സാജ് തുടങ്ങി നാടക രംഗത്തെ പ്രമുഖർ ചടങ്ങിൽ പങ്കെടുക്കും.

വേദിയിൽ വച്ച് പ്രഥമ കെ സി ജോർജ് നാടക പ്രതിഭാ പുരസ്കാരം നാടകകൃത്ത് എം.ജെ. ആന്റണിക്ക് സമർപ്പിക്കും. ₹10,001യും ഫലകവും അടങ്ങുന്നതാണ് പുരസ്കാരം.

അനുസ്മരണ സമ്മേളനത്തിന് ശേഷം കായംകുളം പീപ്പിൾസ് തിയറ്റേഴ്‌സിൻ്റെ അങ്ങാടിക്കുരുവികൾ എന്ന നാടകവും അരങ്ങേറും.