മരത്തില് കുടുങ്ങിയ ഇതരസംസ്ഥാന തൊഴിലാളിയെ നെടുങ്കണ്ടം ഫയര്ഫോഴ്സ് രക്ഷപ്പെടുത്തി
സംഭവം ഉടുമ്പൻചോല കല്ലുപാലത്ത്
Reporter | Kerala Journal 
ഇടുക്കി: കൈ തോള് ഇറങ്ങിയതിനെത്തുടര്ന്ന് മരത്തില് കുടുങ്ങിയ ഇതരസംസ്ഥാന തൊഴിലാളിയെ നെടുങ്കണ്ടം ഫയര്ഫോഴ്സ് രക്ഷപ്പെടുത്തി.
ഇന്നലെ ഉച്ചയോടെയാണ് സംഭവം. മരത്തില് കയറി കൊപ്പ് ഇറക്കുകയായിരുന്ന മധ്യപ്രദേശ് സ്വദേശി ഗണേഷ് (42) ആണ് മരത്തില് കുടുങ്ങിയത്.
പ്രദേശവാസികള് നെടുങ്കണ്ടം ഫയര്ഫോഴ്സില് വിവരം അറിയിച്ചതിനെ തുടർന്ന് കയറും വലയും ഏണിയും ഉപയോഗിച്ച് ഏറെ നേരത്തെ പരിശ്രമത്തിന് ശേഷം സാഹസികമായാണ് ഫയർഫോഴ്സ് ഗണേഷിനെ താഴെയിറക്കിയത്.
