തദ്ദേശ തിരഞ്ഞെടുപ്പ് : വോട്ടെണ്ണല് 258 കേന്ദ്രങ്ങളില്: പൂര്ണ ഫലം ഉച്ചയോടെ
Reporter | Kerala Journal 
തദ്ദേശ തെരഞ്ഞെടുപ്പ് വോട്ടെണ്ണലിന്റെ പൂർണ്ണഫലം 13ന് ഉച്ചയോടെ തന്നെ ലഭ്യമാക്കാൻ ക്രമീകരണങ്ങളൊരുക്കി സംസ്ഥാന തിരഞ്ഞെടുപ്പ് കമ്മീഷൻ.
ഗ്രാമ-ബ്ലോക്ക്-ജില്ലാ പഞ്ചായത്തുകളിൽ സമാന്തരമായി വോട്ടെണ്ണുന്നതിനാണ് ക്രമീകരണം ഏർപ്പെടുത്തിയിട്ടുള്ളത്.
രാവിലെ എട്ടിന് വോട്ടെണ്ണൽ തുടങ്ങും.ആദ്യം തപാൽ വോട്ടാണ് എണ്ണുന്നത്.
258 വോട്ടെണ്ണൽ കേന്ദ്രങ്ങളാണ് സംസ്ഥാനത്ത് ഒരുക്കിയിട്ടുള്ളത്. ബ്ലോക്കുകളിൽ ഒരു വോട്ടെണ്ണല് കേന്ദ്രം വീതമുണ്ടാകും.
ഇതിനു കീഴിലെ ഗ്രാമ പഞ്ചായത്തുകളിലെ വോട്ടുകൾ ഇവിടെ എണ്ണും. കോർപറേഷനുകൾക്കും നഗരസഭകളിലും ഒന്നിലേറെ വോട്ടെണ്ണൽ കേന്ദ്രങ്ങളുണ്ടാകും.
