കൊച്ചി ബ്രോഡ് വേയില് വൻ തീപിടിത്തം; 12 ഓളം കടകള് കത്തിനശിച്ചു
Reporter | Kerala Journal 
എറണാകുളം നഗരത്തിലെ ബ്രോഡ്വേയില് വൻ തീപിടിത്തം. 12 ഓളം കടകള് കത്തിനശിച്ചു. ഫാൻസി ഉത്പന്നങ്ങളും കളിപ്പാട്ടങ്ങളും വില്ക്കുന്ന കടകളാണ് കത്തിനശിച്ചത്.
പുലർച്ചെ 1:15-ഓടെ ശ്രീധർ തിയേറ്ററിനടുത്തുള്ള കടകള്ക്കാണ് തീപിടിച്ചത്.
പ്ലാസ്റ്റിക് കളിപ്പാട്ടങ്ങളും ഫാൻസി സാധനങ്ങളും ഉള്ള കടകളായതിനാല് തീ അതിവേഗം പടരുകയായിരുന്നു. ഫയർഫോഴ്സിന്റെ 11 യൂണിറ്റുകള് സ്ഥലത്തെത്തി. തീ നിയന്ത്രണ വിധേയമായതായി അധികൃതർ അറിയിച്ചു. തീപിടിത്തത്തിന്റെ കാരണം വ്യക്തമല്ല.
