ഭരണസമിതി അംഗങ്ങള്ക്ക് സ്വീകരണം നല്കി
Reporter | Kerala Journal 
തൊടുപുഴ ടൗണ് അഗ്രികള്ച്ചറല് ഇംപ്രൂവ്മെന്റ് കോഓപ്പറേറ്റീവ് സൊസൈറ്റിയുടെ വാർഷിക പൊതുയോഗത്തില് ത്രിതല പഞ്ചായത്തിലേക്ക് വിജയിച്ച ബാങ്ക് ഭരണസമിതി അംഗങ്ങള്ക്ക് സ്വീകരണം നല്കി.
കുമാരമംഗലം പഞ്ചായത്ത് വൈസ് പ്രസിഡന്റ് ശാലിനി ശശി, തൊടുപുഴ നഗരസഭ 23-ാം വാർഡ് കൗണ്സിലർ പി.എ ഷാഹുല് ഹമീദ് എന്നിവർക്കാണ് സ്വീകരണം നല്കിയത്. യോഗത്തില് ബാങ്ക് പ്രസിഡന്റ് എൻ.ഐ ബെന്നി അദ്ധ്യക്ഷത വഹിച്ചു.
സെക്രട്ടറി കെ.ജി സജിമോൻ റിപ്പോർട്ടും കണക്കും അവതരിപ്പിച്ചു. ഭരണസമിതി അംഗങ്ങളായ ടി.ജെ പീറ്റർ, ജോർജജ് ജോണ്, ഒ.എച്ച് ബീന, ജോസ്ലറ്റ് മാത്യു, മാത്യു വർഗീസ്, ജീവനക്കാരായ നീതു കൃഷ്ണ, ബിറ്റിലാല് എന്നിവർ പ്രസംഗിച്ചു.
