തിരുവനന്തപുരം: കേരളത്തെ ഒമ്പതര വർഷക്കാലം കൊണ്ട് സാമ്പത്തിക തകർച്ചയിലെത്തിച്ച എല്‍.ഡി.എഫ് സർക്കാരിന്റെ 2026ലെ ബഡ്ജറ്റ് പ്രഹസനമാണെന്ന് കേരള കോണ്‍ഗ്രസ് ജില്ലാ പ്രസിഡന്റ് പ്രൊഫ. എം.ജെ. ജേക്കബ് ആരോപിച്ചു.

വിശ്വാസ്യത തകർന്ന സർക്കാരിന്റെ വിശ്വാസമില്ലാത്ത ബഡ്ജറ്റാണിതെന്ന് അദ്ദേഹം പറഞ്ഞു. മുൻകാല ബഡ്ജറ്റുകളില്‍ പ്രഖ്യാപിച്ച കാര്യങ്ങള്‍ തുച്ഛമായ തുക വർദ്ധിപ്പിച്ച് അതേപടി വീണ്ടും അവതരിപ്പിക്കുകയാണ് ചെയ്തിരിക്കുന്നതെന്നും വിമർശിച്ചു.

കാർഷിക മേഖലയെ പാടെ അവഗണിച്ചതായും അദ്ദേഹം കുറ്റപ്പെടുത്തി. കഴിഞ്ഞ 10 വർഷക്കാലം കൊണ്ട് റബർ കർഷകർക്ക് 10 രൂപ മാത്രം വർദ്ധിപ്പിച്ചുവെന്നും, 250 രൂപയെന്ന വാഗ്ദാനം സർക്കാർ പാലിച്ചിട്ടില്ലെന്നും ജേക്കബ് പറഞ്ഞു.

ജനങ്ങളെ വന്യമൃഗശല്യത്തില്‍ നിന്നും സംരക്ഷിക്കുന്നതിന് നാമമാത്രമായ തുക മാത്രമാണ് ബഡ്ജറ്റില്‍ നീക്കി വെച്ചിരിക്കുന്നതെന്നും അദ്ദേഹം കൂട്ടിച്ചേർത്തു.