ജന്തുക്ഷേമ ദ്വൈവാരാചരണത്തിന്റെ ഭാഗമായി ജില്ലാ മൃഗസംരക്ഷണ വകുപ്പിന്റെ നേതൃത്വത്തിൽ മൃഗക്ഷേമ സെമിനാർ സംഘടിപ്പിച്ചു. ജില്ലാ പഞ്ചായത്ത് പ്രസിഡന്റ് പ്രൊഫ. ഷീല സ്റ്റീഫൻ ഉദ്ഘാടനം ചെയ്തു. മുൻസിപ്പൽ ചെയർപേഴ്സൺ സാബിറ ജലീൽ അധ്യക്ഷത വഹിച്ചു.

ജില്ലാ മൃഗസംരക്ഷണ ഓഫീസർ ഡോ. ബിജു ജെ. ചെമ്പരത്തി പദ്ധതി വിശദീകരണം നടത്തി. സെമിനാറിൽ സ്റ്റേറ്റ് എപ്പിഡെമിയോളജിസ്റ്റ് ഡോ. എസ്. നന്ദകുമാർ, ഡോ. നിഷ റെയ്ച്ചൽ, ഡോ. അനു സുധാകരൻ, ഫെഡറേഷൻ ഓഫ് അനിമൽ റൈറ്റ്സ് ഓർഗനൈസേഷൻ പ്രസിഡന്റ് എം. എൻ. ജയചന്ദ്രൻ എന്നിവർ ക്ലാസുകൾ നയിച്ചു.

ജില്ലയിലെ മികച്ച ജന്തുക്ഷേമ പ്രവർത്തനത്തിനുള്ള പുരസ്‌കാരം കീർത്തിദാസിന് ജില്ലാ പഞ്ചായത്ത് പ്രസിഡന്റ് സമ്മാനിച്ചു.

കോളേജ് വിദ്യാർത്ഥികൾ, വിവിധ പെറ്റ് ഷോപ്പ് ഉടമകൾ, ഡോഗ് ബ്രീഡേഴ്സ്, അനിമൽ വെൽഫെയർ ഓർഗനൈസേഷൻ പ്രതിനിധികൾ, മൃഗസ്‌നേഹികൾ, ഉദ്യോഗസ്ഥർ എന്നിവർ സെമിനാറിൽ പങ്കെടുത്തു.