കട്ടപ്പന ബ്ലോക്ക് പഞ്ചായത്തും ഉപ്പുതറ ബ്ലോക്ക് സാമൂഹിക ആരോഗ്യ കേന്ദ്രവും ആരോഗ്യവകുപ്പിന്റെയും സഹകരണത്തോടെ സംഘടിപ്പിച്ച “വെബ് ഫോർ വെൽനെസ്” പദ്ധതിയുടെ കട്ടപ്പന ബ്ലോക്ക് തല ഉദ്ഘാടനം ഹോളി ക്രോസ് കോളേജിൽ നടന്നു.

കട്ടപ്പന ബ്ലോക്ക് പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജോബൻ പാനോസ് അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡൻറ് കെ. ബാലസിംഗ് പരുപാടികളുടെ ഉദ്ഘാടനം നിർവഹിച്ചു.

സി.എച്ച്.സി. ഉപ്പുതറ ഹെൽത്ത് സൂപ്പർവൈസർ കെ.ടി. ആന്റണി സ്വാഗതം ആശംസിച്ചു.ആർ.സി.എച്ച് ജില്ലാ മെഡിക്കൽ ഓഫീസർ ഡോ. സിബി ജോർജ് മുഖ്യപ്രഭാഷണം നടത്തി.

ബ്ലോക്ക് മെഡിക്കൽ ഓഫീസർ ഡോ. മിനി മോഹൻ വിഷയാവതരണം നടത്തി.ബ്ലോക്ക് പഞ്ചായത്ത് വൈസ് പ്രസിഡൻറ് ശ്രീമതി ഷൈനി റോയ്, കട്ടപ്പന ബ്ലോക്ക് ബി.ഡി.ഒ സുനിൽ സെബാസ്റ്റ്യൻ, ക്രൈസ്റ്റ് കോളേജ് പുളിയൻമല പ്രിൻസിപ്പാൾ ഡോ. എം.വി. ജോർജുകുട്ടി, സി.എച്ച്.സി വണ്ടൻമേട് മെഡിക്കൽ ഓഫീസർ ഡോ. അനുമോൾ കെ. ബെന്നി, ഹോളി ക്രോസ് കോളേജ് മാനേജർ എം.കെ. സ്കറിയ, പ്രിൻസിപ്പാൾ പ്രൊഫ. ഷാജി ആർ.കെ എന്നിവർ ആശംസകൾ അറിയിച്ചു സംസാരിച്ചു.

പദ്ധതിയുടെ ഭാഗമായി വിദ്യാർഥികൾക്കായി സുബ ഡാൻസ് മത്സരം സംഘടിപ്പിച്ചു.

കൂടാതെ കണ്ണംപടി ട്രൈബൽ സെറ്റിൽമെൻ്റിലെ കലാകാരന്മാർ അവതരിപ്പിച്ച കോൽകളി ഏറെ ആകർഷകമായി