മൂന്നാർ: സാധാരണക്കാരുടെ അഭയകേന്ദ്രമായ സഹകരണ മേഖലയെ കാലാനുസൃതമായി ആധുനികവൽക്കരിക്കാൻ സംസ്ഥാന സർക്കാർ അടിയന്തര നടപടികൾ സ്വീകരിക്കണമെന്ന് അഡ്വ. Dean Kuriakose എം.പി. അഭിപ്രായപ്പെട്ടു.

കേരള സ്റ്റേറ്റ് കോഓപ്പറേറ്റീവ് ഇൻസ്‌പെക്ടേഴ്സ് & ആഡിറ്റേഴ്സ് അസോസിയേഷൻ സംസ്ഥാന നേതൃത്വ പരിശീലന ക്യാമ്പായ ‘ആരവം 2026’ മൂന്നാറിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സഹകാരികൾക്ക് ഗുണപരവും മെച്ചപ്പെട്ടതുമായ സേവനങ്ങൾ നൽകുന്നതിന് സഹകരണ സംഘങ്ങളുടെ ആധുനികവൽക്കരണം കാലഘട്ടത്തിന്റെ അനിവാര്യതയാണെന്നും അദ്ദേഹം പറഞ്ഞു.

സംസ്ഥാന പ്രസിഡന്റ് സി.പി. പ്രിയേഷ് അധ്യക്ഷത വഹിച്ചു. ജനറൽ സെക്രട്ടറി യു.എം. ഷാജി സ്വാഗതം പറഞ്ഞു. മുൻ എം.എൽ.എ. എ.കെ. മണി മുഖ്യപ്രഭാഷണം നടത്തി.

‘രാഷ്ട്ര പുരോഗതിക്ക് സിവിൽ സർവീസിന്റെ പങ്ക്’ എന്ന വിഷയത്തെ ആസ്പദമാക്കിയ സിംപോസിയം കെ.പി.സി.സി. വൈസ് പ്രസിഡന്റ് റോയി കെ. പൗലോസ് ഉദ്ഘാടനം ചെയ്തു. എറണാകുളം ജില്ലാ പഞ്ചായത്ത് അംഗം ഡോ. ജിന്റോ ജോൺ വിഷയാവതരണം നടത്തി. കെ.എസ്.യു. സംസ്ഥാന പ്രസിഡന്റ് അലോഷ്യസ് സേവ്യർ മുഖ്യാതിഥിയായി പങ്കെടുത്തു.

സംഘടനാ ചർച്ച കെ.പി.സി.സി. ജനറൽ സെക്രട്ടറി അഡ്വ. എസ്. അശോകൻ ഉദ്ഘാടനം ചെയ്തു. സാംസ്‌കാരിക സായാഹ്നം ഇബ്രാഹിംകുട്ടി കല്ലാർ ഉദ്ഘാടനം ചെയ്തു. കട്ടപ്പന നഗരസഭ ചെയർമാൻ ജോയി വെട്ടിക്കുഴി പ്രഭാഷണം നടത്തി.

മറയൂർ സർവീസ് സഹകരണ ബാങ്കിനെ ക്യാമ്പിൽ ആദരിച്ചു.

അഡ്വ. എ.വി. വാമനകുമാർ, ആദർശ് രാജ്, ബേസിൽ ബെന്നി എന്നിവർ വിവിധ പരിശീലന സെഷനുകൾക്ക് നേതൃത്വം നൽകി.

മൂന്നാർ ഗ്രാമപഞ്ചായത്ത് പ്രസിഡന്റ് എസ്. വിജയകുമാർ, പാക്സ് അസോസിയേഷൻ ഇടുക്കി ജില്ലാ പ്രസിഡന്റ് തോമസ് മാത്യു കക്കുഴി, എൻ.ജി.ഒ. അസോസിയേഷൻ ജില്ലാ പ്രസിഡന്റ് ഷിഹാബ് പരീത്, ബിജു മാത്യു, ജി. മുനിയാണ്ടി, ഡി. കുമാർ എന്നിവർ സംസാരിച്ചു.