കൈറ്റ് – ലിറ്റിൽ കൈറ്റ്സ് അവാർഡ് 2026 സംസ്ഥാനതല പുരസ്കാരങ്ങളിൽ ശാന്തിഗ്രാം ഗാന്ധിജി ഇംഗ്ലീഷ് മീഡിയം ഹൈസ്കൂൾ ശ്രദ്ധേയ നേട്ടം കൈവരിച്ചു. സ്കൂളിന് ജില്ലാ തലത്തിൽ രണ്ടാം സ്ഥാനം ലഭിച്ചു.

ഡിജിറ്റൽ സാങ്കേതിക വിദ്യകൾ വിദ്യാർത്ഥികളിൽ വളർത്തുന്നതിനും ഐ.ടി അധിഷ്ഠിത പഠന പ്രവർത്തനങ്ങൾ ശക്തിപ്പെടുത്തുന്നതിനുമായി പ്രവർത്തിക്കുന്ന ലിറ്റിൽ കൈറ്റ്സ് യൂണിറ്റുകളുടെ പ്രവർത്തന മികവ് അടിസ്ഥാനമാക്കി ഓരോ വർഷവും ഈ അവാർഡ് നൽകുന്നു.

2025–26 അധ്യയന വർഷത്തിൽ സംസ്ഥാനത്തെ വിവിധ സ്കൂളുകളിൽ പ്രവർത്തിക്കുന്ന ലിറ്റിൽ കൈറ്റ്സ് ക്ലബുകളുടെ പ്രവർത്തനങ്ങൾ വിലയിരുത്തിയാണ് അവാർഡുകൾ പ്രഖ്യാപിച്ചത്.

കേരള ഇൻഫ്രാസ്ട്രക്ചർ ആൻഡ് ടെക്നോളജി ഫോർ എജുക്കേഷൻ (KITE) പുറത്തിറക്കിയ ഉത്തരവിൽ ഇടുക്കിയിൽ ഒന്നാം സ്ഥാനം കൂമ്പൻപാറ ഫാത്തിമ മാതാ ഹൈസ്കൂളിനാണ്.