വണ്ടിപ്പെരിയാർ ഭാരത് പെട്രോൾ പമ്പിനെതിരെ പ്രതിഷേധം
Reporter | Kerala Journal 
വണ്ടിപ്പെരിയാർ ഭാരത് പെട്രോൾ പമ്പിൽ നിന്ന് ഡീസൽ അടിച്ച വാഹനങ്ങളിൽ വെള്ളം കലർന്ന ഡീസൽ ലഭിച്ചതായി പരാതി ഉയർന്നതിനെ തുടർന്ന് പ്രതിഷേധം.
വണ്ടിപ്പെരിയാറിലെ ഭാരത് പെട്രോൾ പമ്പിൽ നിന്ന് ഡീസൽ അടിച്ച വാഹനങ്ങളിൽ വെള്ളം കലർന്ന ഇന്ധനം ലഭിച്ചതായി നിരവധി വാഹന ഉടമകൾ ആരോപിച്ചു. ഡീസൽ അടിച്ചതിന് പിന്നാലെ ചില വാഹനങ്ങൾ വഴിയിൽ നിൽക്കുകയും തകരാറിലാകുകയും ചെയ്തതോടെയാണ് സംഭവം ശ്രദ്ധയിൽപ്പെട്ടത്.
ഇതിനെ തുടർന്ന് ഓട്ടോ–ടാക്സി തൊഴിലാളികളുടെ നേതൃത്വത്തിൽ തൊഴിലാളികൾ പെട്രോൾ പമ്പ് ഉപരോധിച്ച് പ്രതിഷേധം നടത്തി. സംഭവത്തിൽ സമഗ്രമായ അന്വേഷണം നടത്തുകയും വാഹനങ്ങൾക്ക് ഉണ്ടായ നാശനഷ്ടങ്ങൾക്ക് നഷ്ടപരിഹാരം നൽകുകയും ചെയ്യണമെന്ന് തൊഴിലാളികൾ ആവശ്യപ്പെട്ടു.
