തൊടുപുഴ: അന്താരാഷ്ട്ര വനിതാദിനത്തോടനുബന്ധിച്ച് കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ (കെ.എസ്.എസ്.പി.എ) വനിതാ ഫോറം തൊടുപുഴ നിയോജകമണ്ഡലം കമ്മിറ്റിയുടെ ആഭിമുഖ്യത്തിൽ വനിതാദിനാചരണം നടത്തി.

പ്രസിഡന്റ് ടി.ജെ. ലാലിയുടെ അധ്യക്ഷതയിൽ ചേർന്ന യോഗം ജില്ലാ പ്രസിഡന്റ് ഡാലി തോമസ് ഉദ്ഘാടനം ചെയ്തു. തൊടുപുഴ ന്യൂമാൻ കോളേജിലെ സഹപ്രൊഫസർ ഡോ. അഭിന മേരി സാജു ‘വനിതകളും സ്വപ്നങ്ങളും’ എന്ന വിഷയത്തിൽ സെമിനാർ നയിച്ചു.

മുൻ മുനിസിപ്പൽ ചെയർപേഴ്സൺ സിസിലി ജോസ്, സ്ഥിരം സമിതി ചെയർപേഴ്സൺ വിജയകുമാരിമാരിയിൽ എന്നിവരെ യോഗത്തിൽ ആദരിച്ചു.

മാഗി ജോർജ്, കലാദേവി, ഐവാൻ സെബാസ്റ്റ്യൻ, കെ.എസ്. ഹസ്സൻകുട്ടി, ഗർവ്വാസിസ് കെ. സഖറിയാസ്, സ്റ്റീഫൻ ജോർജ്, ഷെല്ലി ജോൺ, ജെയ്സൺ പി. ജോസഫ്, ഫ്രാൻസിസ് ജോസഫ്, റോയി ജോർജ് എന്നിവർ സംസാരിച്ചു.