ഇടുക്കി: കേരള സർക്കാർ ഉന്നതവിദ്യാഭ്യാസ വകുപ്പിന് കീഴിലുള്ള ASAP കേരളയും ഇടുക്കി ജില്ലാ പട്ടികജാതി വികസന വകുപ്പും ജില്ലാ പഞ്ചായത്തും സംയുക്തമായി ആരംഭിക്കുന്ന “സർട്ടിഫിക്കറ്റ് പ്രോഗ്രാം ഇൻ ആയുർവേദ തെറാപ്പി” കോഴ്സിലേക്ക് അപേക്ഷ ക്ഷണിച്ചു. ഏതാനും സീറ്റുകൾ മാത്രമാണ് ലഭ്യമുള്ളത്.

ഇടുക്കി ജില്ലയിൽപ്പെട്ട പട്ടികജാതി വിഭാഗത്തിലെ 18 മുതൽ 35 വയസ് വരെയുള്ള യുവതികൾക്ക് ഫീസ് ഇനത്തിൽ 100 ശതമാനം സ്കോളർഷിപ്പ് ലഭിക്കും. കുമളി, തൊടുപുഴ എന്നിവിടങ്ങളിലാണ് പരിശീലന കേന്ദ്രങ്ങൾ പ്രവർത്തിക്കുക.

ഒരു വർഷം ദൈർഘ്യമുള്ള NCVET അംഗീകൃത കോഴ്‌സിന് അടിസ്ഥാന വിദ്യാഭ്യാസ യോഗ്യത പ്ലസ് ടു വിജയം ആണ്. കോഴ്‌സ് വിജയകരമായി പൂർത്തിയാക്കുന്നവർക്ക് പ്ലേസ്‌മെന്റ് സഹായവും ലഭ്യമാക്കും.

താൽപ്പര്യമുള്ളവർ താഴെ നൽകിയിരിക്കുന്ന ലിങ്ക് വഴി രജിസ്റ്റർ ചെയ്യാം:

👉 https://forms.gle/FrqfN7q57giBKvhz7⁠�

കൂടുതൽ വിവരങ്ങൾക്ക്: 9495999655, 9495999713