ജില്ലയിൽ കഞ്ചാവ് കൃഷി കണ്ടെത്തുന്നതിനായി എക്സൈസ് വകുപ്പിന്റെ പ്രത്യേക പരിശോധനകൾക്ക് തുടക്കമായി.
Reporter | Kerala Journal 
നിയമസഭാ തെരഞ്ഞെടുപ്പിനോടനുബന്ധിച്ച് ജില്ലയിൽ കഞ്ചാവ് കൃഷി കണ്ടെത്തുന്നതിനായി എക്സൈസ് വകുപ്പിന്റെ പ്രത്യേക പരിശോധനകൾക്ക് തുടക്കമായി. ‘ഓപ്പറേഷൻ സി ഹണ്ട്’ എന്ന പേരിലാണ് പരിശോധനകൾ നടത്തുന്നത്.
മുൻകാലങ്ങളിൽ കഞ്ചാവ് കൃഷി നടന്നിട്ടുള്ള പ്രദേശങ്ങളും, വീണ്ടും കൃഷി നടക്കാൻ സാധ്യതയുള്ള ഇടങ്ങളും കേന്ദ്രീകരിച്ചാണ് പരിശോധന. ഇതിനായി എക്സൈസ് രഹസ്യാന്വേഷണ വിഭാഗം സാധ്യതാപട്ടിക തയ്യാറാക്കിയിട്ടുണ്ട്.
വിവിധ ഭാഗങ്ങളിലായി വ്യാപകമായ പരിശോധനകൾ നടത്തിയും, കൃഷി പൂർണമായും തടയുന്നതിനായി ശക്തമായ നടപടികളുമായി മുന്നോട്ട് പോകാനാണ് എക്സൈസ് വകുപ്പിന്റെ തീരുമാനം.
