ഇടുക്കി:- കേരളാ ചിത്രകലാ പരിഷത്ത് സംസ്ഥാന സമ്മേളനത്തോടനുബന്ധിച്ചുള്ള ലോഗോ പ്രകാശനം തേക്കടിയിൽ നടന്നു. പെരിയാർ ടൈഗർ റിസർവ് ഡെപ്യൂട്ടി ഡയറക്ടർ സാജു പി യു IFS ലോഗോ പ്രകാശനം നിർവഹിച്ചു. കേരള ചിത്രകലാപരിഷത്ത് സംസ്ഥാന ജോയിൻ സെക്രട്ടറി ശ്രീ സജിദാസ് മോഹൻ അധ്യക്ഷത വഹിച്ചു. ഏപ്രിൽ 11 12 തീയതികളിൽ തേക്കടിയിൽ വച്ച്, പെരിയാർ ടൈഗർ റിസർവിന്റെ  സഹകരണത്തോടെയാണ് സംസ്ഥാന സമ്മേളനവും  ചിത്രകലാ ക്യാമ്പും നടക്കുന്നത്.. കേരളത്തിനകത്തും പുറത്തുമുള്ള മുന്നൂറോളം ചിത്രകാരന്മാരാണ് പ്രസ്തുത പരിപാടിയിൽ പങ്കെടുക്കുന്നത്. പരിപാടിയുടെ പ്രചാരണത്തിന്റെ ഭാഗമായി ഇടുക്കി ജില്ലയിലെ ചിത്രകാരന്മാരുടെ ഏകദിന ക്യാമ്പും കുമളിയിൽ നടന്നു. പെരിയാർ ടൈഗർ റിസർവ് എ എഫ് ഡി ലക്ഷ്മി ആർ, ക്യാമ്പ് ഉത്ഘാടനം നിർവഹിച്ചു. തേക്കടി ഫോറസ്റ്റ് റേഞ്ച് ഓഫീസർ ഫ്രാൻസിസ് യോഹന്നാൻ, മുഖ്യപ്രഭാഷണം നടത്തി. KCP ജില്ലാ സെക്രട്ടറി മോൻസി മാമൂട്ടിൽ, ട്രഷറർ ഷിജു ഇ എം, ക്യാമ്പ് കോർഡിനേറ്റർ ഫ്രസ്കോ മുരളി, ജോ: സെക്രട്ടറി ശ്രീകാന്ത്, എന്നിവർ സംസാരിച്ചു. ചിത്രകാരായ മനോജ് മൂന്നാർ, ആർട്ടിസ്റ്റ് ലേഖ, ബിനോയ് മാവടി, ഫാ സാബു മന്നാടാ, അരുൺ ഇരട്ടയാർ, അർട്ടിസ്റ്റ് ജോസ്, എന്നിവർ പരിപാടികൾക്ക് നേതൃത്വം നൽകി.