മുഖ്യമന്ത്രി പിണറായി വിജയൻ ഇന്ന് ഇടുക്കി ജില്ലയിൽ തിരഞ്ഞെടുപ്പ് പ്രചാരണത്തിന്റെ ഭാഗമായി എത്തും. രാവിലെ 10 മണിക്ക് കട്ടപ്പനയിൽ മാധ്യമങ്ങളെ കാണും. തുടർന്ന് 11 മണിക്ക് ഇടുക്കി മണ്ഡലത്തിലെ തെരഞ്ഞെടുപ്പ് കൺവെൻഷൻ ഉദ്ഘാടനം ചെയ്യും.

തുടർന്ന് ദേവികുളം മണ്ഡലത്തിന്റെ ഭാഗമായി അടിമാലിയിൽ 3 മണിക്കും, ഉടുമ്പൻചോല മണ്ഡലത്തിൽ നെടുങ്കണ്ടത്ത് വൈകിട്ട് 4 മണിക്കും, പീരുമേട് മണ്ഡലത്തിലെ കൺവെൻഷൻ വൈകിട്ട് 6 മണിക്ക് ഉദ്ഘാടനം ചെയ്ത് സംസാരിക്കും. പട്ടയഭൂമിയിലെ നിർമ്മാണ നിരോധനം നീക്കിയതിന് ശേഷമുള്ള മുഖ്യമന്ത്രിയുടെ ആദ്യ ഇടുക്കി സന്ദർശനമാണിത്.

യുഡിഎഫ് പ്രചാരണത്തിന് ശക്തി പകരാൻ രാഹുല്‍ ഗാന്ധി നാളെ സംസ്ഥാനത്തെത്തും. എൻഡിഎ പ്രചാരണത്തിന് ആവേശം നൽകാൻ നരേന്ദ്ര മോദി ഞായറാഴ്ച കേരളത്തിലെത്തും.