2026ലെ നിയമസഭാ തിരഞ്ഞെടുപ്പ് അടുത്തിരിക്കെ വിവിധ സംസ്ഥാനങ്ങളിലെയും ഒരു കേന്ദ്രഭരണ പ്രദേശത്തെയും വോട്ടർമാർ തയ്യാറെടുക്കുന്നു. കേരളം, അസം, പുതുച്ചേരി സംസ്ഥാനങ്ങളിൽ ഏപ്രിൽ 9-നും തമിഴ്നാട്, പശ്ചിമ ബംഗാൾ സംസ്ഥാനങ്ങളിൽ ഏപ്രിൽ 23-നും രണ്ടാംഘട്ട വോട്ടെടുപ്പ് ഏപ്രിൽ 29-നും നടക്കും. എല്ലാ സംസ്ഥാനങ്ങളിലെയും വോട്ടെണ്ണൽ മെയ് 4-നാണ്.

വോട്ടവകാശം വിനിയോഗിക്കാൻ കഴിയുമോ എന്ന് ഉറപ്പാക്കാൻ, വോട്ടർ പട്ടികയിൽ നിങ്ങളുടെ പേര് ശരിയായി ഉൾപ്പെടുത്തിയിട്ടുണ്ടോ എന്ന് പരിശോധിക്കുന്നത് നിർണായകമാണ്. Election Commission of Indiaയുടെ ഔദ്യോഗിക പോർട്ടൽ ഉപയോഗിച്ച് ഏതാനും മിനിറ്റുകൾക്കുള്ളിൽ തന്നെ ഇത് പരിശോധിക്കാം.

ലിങ്ക് 👉 https://electoralsearch.eci.gov.in

പേര് എങ്ങനെ കണ്ടെത്താം?

Voters' Service Portal വഴി മൂന്ന് രീതിയിൽ പരിശോധിക്കാം:

EPIC നമ്പർ ഉപയോഗിച്ച്: വോട്ടർ ഐഡി നമ്പർ നൽകി വേഗത്തിൽ തിരയാം

വ്യക്തിഗത വിവരങ്ങൾ നൽകി: പേര്, ജനനത്തീയതി, ജില്ല തുടങ്ങിയവ ഉപയോഗിച്ച് തിരയാം

മൊബൈൽ നമ്പർ വഴി: OTP ഉപയോഗിച്ച് പരിശോധിക്കാം

📄 ലഭിക്കുന്ന വിവരങ്ങൾ

പേര് കണ്ടെത്തിയാൽ വോട്ടർ ഇൻഫർമേഷൻ സ്ലിപ്പ് ഡൗൺലോഡ് ചെയ്യാം. ഇതിൽ

പാർട്ട് നമ്പർ, സീരിയൽ നമ്പർ

പോളിംഗ് സ്റ്റേഷൻ സ്ഥലം

BLO (ബൂത്ത് ലെവൽ ഓഫീസർ) വിവരങ്ങൾ

എന്നിവ ലഭിക്കും.