ഇടുക്കി ജില്ലയില്‍ നിയമസഭാ തെരഞ്ഞെടുപ്പിന്റെ വോട്ടെണ്ണല്‍ ക്രമീകരണങ്ങള്‍ പൂര്‍ത്തിയായതായി അധികൃതര്‍ അറിയിച്ചു. ഓരോ മണ്ഡലത്തിലും പഞ്ചായത്ത് തിരിച്ചാണ് വോട്ടെണ്ണല്‍ നടത്തുക. ആദ്യ റൗണ്ടുകളില്‍ എണ്ണുന്ന പഞ്ചായത്തുകളും ബൂത്തുകളുടെ ക്രമവും വ്യക്തമാക്കിയിട്ടുണ്ട്.

തൊടുപുഴ മണ്ഡലം (229 ബൂത്തുകള്‍)

തൊടുപുഴ മണ്ഡലത്തില്‍ 229 ബൂത്തുകളാണുള്ളത്. കുമാരമംഗലം - 13, കോടിക്കുളം - 13, വണ്ണപ്പുറം - 28, കരിമണ്ണൂര്‍ - 19, ഇടവെട്ടി - 15, തൊടുപുഴ നഗരസഭ - 44, മണക്കാട് - 14, പുറപ്പുഴ - 11, കരിങ്കുന്നം - 10, മുട്ടം - 11, ആലക്കോട് - 8, ഉടുമ്പന്നൂര്‍ - 22, വെള്ളിയാമറ്റം - 20 എന്നിങ്ങനെയാണ് ബൂത്തുകളുടെ വിതരണം. കുമാരമംഗലം പഞ്ചായത്താണ് ആദ്യം എണ്ണിത്തുടങ്ങുന്നത്.

ഇടുക്കി മണ്ഡലം (207 ബൂത്തുകള്‍)

ഇടുക്കി മണ്ഡലത്തില്‍ 207 ബൂത്തുകളാണുള്ളത്. കഞ്ഞിക്കുഴി - 26, കൊന്നത്തടി - 24, വാത്തിക്കുടി - 23, വാഴത്തോപ്പ് - 26, മരിയാപുരം - 12, കാമാക്ഷി - 19, കൂടയത്തൂര്‍ - 20, അറക്കുളം - 17, കാഞ്ചിയാര്‍ - 25, കട്ടപ്പന നഗരസഭ - 25 എന്നിങ്ങനെയാണ് ബൂത്തുകളുടെ എണ്ണം. കഞ്ഞിക്കുഴിയിലെ 1 മുതല്‍ 26 വരെയുള്ള ബൂത്തുകളാണ് ആദ്യമായി എണ്ണുക.

ഉടുമ്പന്‍ചോല മണ്ഡലം (201 ബൂത്തുകള്‍)

ഉടുമ്പന്‍ചോല മണ്ഡലത്തില്‍ 201 ബൂത്തുകളാണുള്ളത്. രാജാക്കാട് - 15, രാജകുമാരി - 14, ശാന്തന്‍പാറ - 15, സേനാപതി - 12, ഉടുമ്പന്‍ചോല - 17, നെടുങ്കണ്ടം - 36, ഇരട്ടയാര്‍ - 19, പാമ്പാടുംപാറ - 21, കരുണാപുരം - 26, വണ്ടന്മേട് - 26 എന്നിങ്ങനെയാണ് പഞ്ചായത്ത് തിരിച്ചുള്ള ബൂത്തുകള്‍. രാജാക്കാട് പഞ്ചായത്തിലെ 15 ബൂത്തുകളാണ് ആദ്യ റൗണ്ടില്‍ എണ്ണുന്നത്.

പീരുമേട് മണ്ഡലം (224 ബൂത്തുകള്‍)

പീരുമേട് മണ്ഡലത്തില്‍ 224 ബൂത്തുകളാണുള്ളത്. ഏലപ്പാറ - 26, ഉപ്പുതറ - 29, അയ്യപ്പന്‍കോവില്‍ - 14, ചക്കുപള്ളം - 20, കുമളി - 35, കൊക്കയാര്‍ - 14, പെരുവന്താനം - 18, പീരുമേട് - 27, വണ്ടിപ്പെരിയാര്‍ - 41 എന്നിങ്ങനെയാണ് ബൂത്ത് വിഭജനം. ഏലപ്പാറ പഞ്ചായത്തിലെ 11 മുതല്‍ 26 വരെയുള്ള ബൂത്തുകളാണ് ആദ്യം എണ്ണുക.

ദേവികുളം മണ്ഡലം (215 ബൂത്തുകള്‍)

ദേവികുളം മണ്ഡലത്തില്‍ 215 ബൂത്തുകളാണുള്ളത്. മറയൂര്‍ - 13, കാന്തല്ലൂര്‍ - 11, മൂന്നാര്‍ - 35, ദേവികുളം - 30, ഇടമലക്കുടി - 3, വട്ടവട - 7, മാങ്കുളം - 10, അടിമാലി - 37, പള്ളിവാസല്‍ - 16, വെള്ളത്തൂവല്‍ - 26, ബൈസണ്വാലി - 14, ചിന്നക്കനാല്‍ - 13 എന്നിങ്ങനെയാണ് ബൂത്തുകളുടെ എണ്ണം. മറയൂര്‍ പഞ്ചായത്തിലെ 13 ബൂത്തുകളാണ് ആദ്യമായി എണ്ണുന്നത്. ദേവികുളം, മൂന്നാര്‍ പഞ്ചായത്തുകളിലെ ബൂത്തുകള്‍ ചേര്‍ന്ന നിലയിലാണ് ക്രമീകരിച്ചിരിക്കുന്നത്.

വോട്ടെണ്ണല്‍ ക്രമീകരണങ്ങള്‍ പൂര്‍ത്തിയായതോടെ ജില്ലയില്‍ സുരക്ഷാ സംവിധാനങ്ങളും ശക്തമാക്കിയിട്ടുണ്ട്. ഫലപ്രഖ്യാപനത്തിനായുള്ള ആകാംക്ഷ ഉയരുകയാണ്.