എംജി യൂണിവേഴ്സിറ്റി യോട് അഫിലിയേറ്റ് ചെയ്തിട്ടുള്ള സ്വയംഭരണ കോളേജുകൾ ഒഴികെയുള്ള ആർട്സ് ആൻഡ് സയൻസ് കോളേജുകളിലെ ഓണേഴ്‌സ് ബിരുദ പ്രോഗ്രാമുകളിലേക്കും സർവകലാശാല ഗ്രാജുവേറ്റ് സ്‌കൂളിലെ 4+1 പ്രോഗ്രാമിലേക്കുമുള്ള പ്രവേശനത്തിനായുള്ള ഓൺലൈൻ രജിസ്‌ട്രേഷൻ ആരംഭിച്ചു.

പ്ലസ് ടു പരീക്ഷാഫലം ലഭിച്ച വിദ്യാർത്ഥികൾക്കു മാത്രമാണ് നിലവിൽ ഏകജാലക സംവിധാനത്തിലൂടെ അപേക്ഷിക്കാൻ സാധിക്കുക. പ്ലസ് ടു ഫലം കാത്തിരിക്കുന്ന വിദ്യാർത്ഥികൾ ഇപ്പോൾ അപേക്ഷ സമർപ്പിക്കേണ്ടതില്ലെന്ന് സർവകലാശാല അധികൃതർ അറിയിച്ചു.

അപേക്ഷ സമർപ്പിക്കൽ, കോളേജ്-കോഴ്‌സ് ഓപ്ഷനുകൾ തിരഞ്ഞെടുക്കൽ തുടങ്ങിയ നടപടികൾ സർവകലാശാലയുടെ ഔദ്യോഗിക പ്രവേശന പോർട്ടൽ വഴിയായിരിക്കും നടത്തുക.

കൂടുതൽ വിവരങ്ങൾക്ക് അഡ്മിഷനും ; 9446982769