മൂന്നാർ: ‘ദൃശ്യം 3’ സിനിമയുടെ അണിയറ പ്രവർത്തകർക്കെതിരെ വാഹന രജിസ്ട്രേഷൻ നമ്പർ ദുരുപയോഗം ചെയ്തെന്നാരോപിച്ച് പോലീസിൽ പരാതി. ഇടുക്കി കുഞ്ചിത്തണ്ണി സ്വദേശിയായ ആർ.ഡി. രാജീവാണ് മൂന്നാർ ഡി.വൈ.എസ്.പിക്ക് പരാതി നൽകിയത്.

തന്റെ ഉടമസ്ഥതയിലുള്ള മഹീന്ദ്ര സ്‌കോർപിയോ വാഹനത്തിന്റെ KL 69 D 2772 എന്ന രജിസ്ട്രേഷൻ നമ്പർ, തന്റെ അറിവോ സമ്മതമോ കൂടാതെ ചിത്രത്തിലെ നായക കഥാപാത്രമായ ജോർജുകുട്ടി ഉപയോഗിക്കുന്ന എംജി ഹെക്ടർ കാറിൽ പ്രദർശിപ്പിച്ചതായാണ് പരാതിയിൽ പറയുന്നത്.

ചിത്രത്തിന്റെ നിർമ്മാതാവായ Antony Perumbavoor, സംവിധായകൻ Jeethu Joseph, നടൻ Mohanlal എന്നിവരെ എതിർകക്ഷികളാക്കിയാണ് രാജീവ് നിയമനടപടിക്ക് ഒരുങ്ങുന്നത്.

തന്റെ വാഹന നമ്പർ അനുമതിയില്ലാതെ ഉപയോഗിച്ചതിലൂടെ ഭാവിയിൽ നിയമപരവും പ്രായോഗികവുമായ ബുദ്ധിമുട്ടുകൾ ഉണ്ടായേക്കാമെന്ന് പരാതിക്കാരൻ ചൂണ്ടിക്കാട്ടി. അതിനാൽ ഈ നമ്പർ ഉൾപ്പെട്ട ദൃശ്യങ്ങൾ സിനിമയിൽ നിന്ന് അടിയന്തരമായി നീക്കം ചെയ്യണമെന്നും പരാതിയിൽ ആവശ്യപ്പെട്ടിട്ടുണ്ട്.