മുഹറം അവധി മാറ്റി; അവധി വെള്ളിയാഴ്ച
Reporter | Kerala Journal 
സംസ്ഥാനത്തെ മുഹറം പൊതു അവധിയിൽ മാറ്റം വരുത്തി സർക്കാർ. വ്യാഴാഴ്ചയായി പ്രഖ്യാപിച്ചിരുന്ന അവധി വെള്ളിയാഴ്ചയിലേക്ക് മാറ്റിയതായി അധികൃതർ അറിയിച്ചു.
മാസപ്പിറവി ദർശനത്തിന്റെ അടിസ്ഥാനത്തിൽ മുഹറം ദിനം വെള്ളിയാഴ്ചയായതിനാലാണ് പൊതു അവധിയും അതനുസരിച്ച് മാറ്റിയത്. ഇതോടെ വ്യാഴാഴ്ച സാധാരണ പ്രവർത്തിദിനമായിരിക്കും. വെള്ളിയാഴ്ച സർക്കാർ ഓഫീസുകൾ ഉൾപ്പെടെയുള്ള സ്ഥാപനങ്ങൾക്ക് പൊതു അവധി ബാധകമായിരിക്കും.
മുഹറം ദിനവുമായി ബന്ധപ്പെട്ട് നേരത്തെ പുറപ്പെടുവിച്ച അവധി ഉത്തരവിൽ പുതിയ സാഹചര്യത്തിന് അനുസരിച്ച് തിരുത്തൽ വരുത്തിയതായും അധികൃതർ വ്യക്തമാക്കി.
