ശാന്തിഗിരി: ശാന്തിഗിരി കോളേജ് ഓഫ് കമ്പ്യൂട്ടർ സയൻസിന്റെ 2026-27 അധ്യയന വർഷാരംഭ ചടങ്ങ് ‘ഹൃദയാരംഭം 2026-27’ ചാവറ ഇൻഡോർ സ്റ്റേഡിയത്തിൽ നടന്നു. കമ്പ്യൂട്ടർ സയൻസ് വിഭാഗത്തിന്റെ നേതൃത്വത്തിലാണ് പരിപാടി സംഘടിപ്പിച്ചത്.

മൂവാറ്റുപുഴ കാർമൽ പ്രൊവിൻസിലെ എഡ്യൂക്കേഷൻ ആൻഡ് കമ്മ്യൂണിക്കേഷൻ മീഡിയ കൗൺസിലർ ഡോ. ഫാ. രാജേഷ് തോലാനിക്കൽ ചടങ്ങ് ഉദ്ഘാടനം ചെയ്തു. വിവിധ റാങ്കുകൾ നേടിയ വിദ്യാർത്ഥികളെ ചടങ്ങിൽ ആദരിച്ചു.

കോളേജ് മാനേജർ ഫാ. ജോസ് കുര്യൻ, പ്രിൻസിപ്പൽ ഫാ. ജിൻസ് ജോർജ്, ബർസാർ ഫാ. സനിത്ത് ജെ. വിചാട്ടു, ഐ.ക്യു.എ.സി കോർഡിനേറ്റർ ഡോ. സിഗ്മ സത്യൻ എന്നിവർ സംസാരിച്ചു.

300ഓളം ഒന്നാം വർഷ വിദ്യാർത്ഥികൾ പങ്കെടുത്ത ചടങ്ങിൽ പുതിയ വിദ്യാർത്ഥികൾക്കായുള്ള ഓറിയന്റേഷൻ ക്ലാസുകളും വിവിധ കലാപരിപാടികളും നടന്നു.