ലഹരി വിരുദ്ധ ചിത്രരചനാ മത്സരത്തിൽ അക്ഷയ് അനുമോദിന് ഒന്നാം സ്ഥാനം
Reporter | Kerala Journal 
കേന്ദ്ര സർക്കാർ നടപ്പാക്കുന്ന നഷാ മുക്ത് ഭാരത് അഭിയാൻ (എൻ.എം.ബി.എ) പദ്ധതിയുടെ ഭാഗമായി ഇടുക്കി സാമൂഹികനീതി വകുപ്പിന്റെ നേതൃത്വത്തിലും ജില്ലാ ഭരണകൂടത്തിന്റെ സഹകരണത്തോടെയും സംഘടിപ്പിച്ച അന്താരാഷ്ട്ര ലഹരി വിരുദ്ധ വാരാചരണ പരിപാടിയുടെ ഭാഗമായി അടിമാലിയിൽ നടത്തിയ ചിത്രരചനാ മത്സരത്തിൽ ഹൈസ്കൂൾ വിഭാഗത്തിൽ ഒന്നാം സമ്മാനം നേടി അക്ഷയ് അനുമോദ്.
ജി.ടി.എച്ച്.എസ് കട്ടപ്പനയിലെ 8-ാം ക്ലാസ് വിദ്യാർത്ഥിയായ അക്ഷയ് അനുമോദ് ലഹരി വിരുദ്ധ സന്ദേശം ശക്തമായി അവതരിപ്പിച്ച ചിത്രത്തിലൂടെയാണ് മികച്ച നേട്ടം കൈവരിച്ചത്.
