കെഎസ്ആർടിസിക്ക് 24 മണിക്കൂർ ടോൾ ഫ്രീ കോൾ സെന്റർ; 149-ൽ വിളിച്ച് സേവനം നേടാം
Reporter | Kerala Journal 
യാത്രക്കാരുടെ സംശയങ്ങൾക്ക് മറുപടി നൽകുന്നതിനും പരാതികൾ അതിവേഗം പരിഹരിക്കുന്നതിനുമായി കെഎസ്ആർടിസി 24 മണിക്കൂറും പ്രവർത്തിക്കുന്ന പുതിയ ടോൾ ഫ്രീ കോൾ സെന്റർ ആരംഭിച്ചു.
പൊതുജനങ്ങൾക്ക് 149 എന്ന ടോൾ ഫ്രീ നമ്പറിലേക്ക് വിളിച്ച് യാത്രാസംബന്ധമായ വിവരങ്ങൾ, സേവനങ്ങളെക്കുറിച്ചുള്ള സംശയനിവാരണം, പരാതികൾ, നിർദേശങ്ങൾ എന്നിവ അറിയിക്കാനും ആവശ്യമായ സഹായം നേടാനും കഴിയും.
.jpg)
യാത്രക്കാർക്ക് കൂടുതൽ വേഗത്തിലും കാര്യക്ഷമമായും സേവനങ്ങൾ ലഭ്യമാക്കുന്നതിനും പരാതികൾക്ക് സമയബന്ധിതമായി പരിഹാരം ഉറപ്പാക്കുന്നതിനുമാണ് പുതിയ കോൾ സെന്റർ സംവിധാനം ഒരുക്കിയിരിക്കുന്നതെന്ന് കെഎസ്ആർടിസി അറിയിച്ചു.
