മൂന്നാറിൽ വിനോദസഞ്ചാരികളുടെ കാറും ലോറിയും കൂട്ടിയിടിച്ചു
Reporter | Kerala Journal 
മൂന്നാർ: മൂന്നാർ–ഉദുമൽപേട്ട അന്തർസംസ്ഥാന പാതയിൽ ലക്കം വെള്ളച്ചാട്ടത്തിന് സമീപം വിനോദസഞ്ചാരികളുടെ കാറും ലോറിയും കൂട്ടിയിടിച്ചു. അപകടത്തിൽ കാർ ഭാഗികമായി തകർന്നെങ്കിലും യാത്രക്കാർ അത്ഭുതകരമായി പരിക്കേൽക്കാതെ രക്ഷപ്പെട്ടു.
ഇന്നലെ രാവിലെ 7.30ഓടെയായിരുന്നു അപകടം. സേലം സ്വദേശികൾ സഞ്ചരിച്ചിരുന്ന കാർ മൂന്നാർ സന്ദർശനത്തിനായി എത്തുന്നതിനിടെയാണ് എതിർദിശയിൽ വന്ന ലോറിയുമായി കൂട്ടിയിടിച്ചത്.
.jpg)
അപകടത്തിൽ ആർക്കും പരിക്കേറ്റിട്ടില്ല. എന്നാൽ കാറിന്റെ മുൻവശം സാരമായി തകർന്നതോടൊപ്പം ലോറിയ്ക്കും കേടുപാടുകൾ സംഭവിച്ചു.
