ഓണത്തിന്റെ വരവറിയിച്ചുകൊണ്ട് കാഞ്ചിയാർ ഗവ. ട്രൈബൽ എൽ.പി. സ്കൂളിൽ പിള്ളേരോണം വിപുലമായ പരിപാടികളോടെ ആഘോഷിച്ചു. കേരളത്തിന്റെ തനത് സംസ്കാരവും പാരമ്പര്യവും പുതുതലമുറയ്ക്ക് പരിചയപ്പെടുത്തുക എന്ന ലക്ഷ്യത്തോടെയായിരുന്നു ആഘോഷങ്ങൾ.

സമൃദ്ധിയും ഐശ്വര്യവും നിറഞ്ഞ ഒരു വർഷത്തിനായുള്ള പ്രാർഥനകളോടെയാണ് പണ്ടുകാലത്ത് കേരളീയർ പിള്ളേരോണം ആചരിച്ചിരുന്നതെന്നും, ആ പാരമ്പര്യം കുട്ടികൾക്ക് പരിചയപ്പെടുത്താനാണ് പരിപാടി സംഘടിപ്പിച്ചതെന്നും പ്രഥമാധ്യാപിക ലിൻസി ജോർജ് പറഞ്ഞു.

പരിപാടിയുടെ ഭാഗമായി പൂക്കളമൊരുക്കൽ, ഓണപ്പാട്ടുകൾ, ഓണക്കളികൾ, ഓണസന്ദേശം പങ്കുവെക്കൽ, ഓണസദ്യ എന്നിവ സംഘടിപ്പിച്ചു.

പ്രഥമാധ്യാപിക ലിൻസി ജോർജ്, പി.ടി.എ. പ്രസിഡന്റ് ജിൽബിൻ ജോർജ്, അധ്യാപകരായ വിഷ്ണു ഗോപാലൻ, അമലു മാത്യു, ജിയോ സെബാസ്റ്റ്യൻ, ലിബിയ ജെയിംസ്, അനുഷ ഷാജി എന്നിവർ പരിപാടികൾക്ക് നേതൃത്വം നൽകി. വിദ്യാർത്ഥികളായ ഏയിൻ മിയ ജിൽബിൻ, മിഥുൽ മനിൽ എന്നിവരും ആഘോഷങ്ങളിൽ സജീവമായി പങ്കെടുത്തു.