മണ്ണിടിച്ചിൽ ഭീഷണി: ദേശീയപാത നിർമാണം താൽക്കാലികമായി നിർത്തിവയ്ക്കാൻ ഉത്തരവ്
Reporter | Kerala Journal 
മണ്ണിടിച്ചിൽ ഭീഷണി നിലനിൽക്കുന്ന സാഹചര്യത്തിൽ ഇടുക്കി ജില്ലയിലെ ദേശീയപാത നിർമാണ പ്രവർത്തനങ്ങൾ താൽക്കാലികമായി നിർത്തിവയ്ക്കാൻ ജില്ലാ കലക്ടർ ഉത്തരവിട്ടു
അടുത്ത ഉത്തരവ് ഉണ്ടാകുന്നതുവരെ ദേശീയപാതയിലെ എല്ലാ നിർമാണ പ്രവർത്തനങ്ങളും നടത്താൻ പാടില്ലെന്നാണ് ഉത്തരവിൽ വ്യക്തമാക്കിയിരിക്കുന്നത്. ശക്തമായ മഴയും മണ്ണിടിച്ചിൽ സാധ്യതയും കണക്കിലെടുത്താണ് നടപടി.
ജനങ്ങളുടെ സുരക്ഷ ഉറപ്പാക്കുന്നതിനും അപകടസാധ്യത ഒഴിവാക്കുന്നതിനുമായാണ് ഈ ഉത്തരവ് പുറപ്പെടുവിച്ചതെന്ന് അധികൃതർ അറിയിച്ചു.
