നെടുങ്കണ്ടത്ത് മലഞ്ചരക്ക് കടയിൽ മോഷണശ്രമം; 50,000 രൂപ കവർന്നു
Reporter | Kerala Journal 
നെടുങ്കണ്ടം: നെടുങ്കണ്ടം ചക്കക്കാനത്തെ മലഞ്ചരക്ക് കടയിൽ മോഷണം. കടയുടെ ഓഫീസിനുള്ളിൽ സൂക്ഷിച്ചിരുന്ന 50,000 രൂപ മോഷ്ടാവ് കവർന്നു.
ഗ്രേഡ് തിരിച്ച് ചാക്കുകളിൽ സൂക്ഷിച്ചിരുന്ന വിലപിടിപ്പുള്ള ഏലക്കയും കടയ്ക്കുള്ളിൽ നിന്ന് പുറത്തേക്ക് എത്തിച്ചിരുന്നെങ്കിലും, നാട്ടുകാർ ഓടിക്കൂടുന്ന ശബ്ദം കേട്ട് മോഷ്ടാവ് അവ ഉപേക്ഷിച്ച് രക്ഷപ്പെടുകയായിരുന്നു.
സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. ദൃശ്യങ്ങളുടെ അടിസ്ഥാനത്തിൽ പ്രതിയെ കണ്ടെത്താനുള്ള അന്വേഷണം പൊലീസ് ഊർജിതമാക്കിയിട്ടുണ്ട്.
