കനത്ത മഴ: നേര്യമംഗലം–അടിമാലി പാതയിൽ ഗതാഗതം പൂർണമായി നിരോധിച്ചു
Reporter | Kerala Journal 
ഇടുക്കി ജില്ലയിലെ മലയോര മേഖലയിൽ ശക്തമായ മഴ തുടരുന്ന സാഹചര്യത്തിൽ ദേശീയപാത 85-ൽ നേര്യമംഗലം മുതൽ അടിമാലി വരെ ഗതാഗതം പൂർണമായും നിരോധിച്ചു. മണ്ണിടിച്ചിലിന് സാധ്യതയുള്ളതിനാലാണ് ദുരന്തനിവാരണ വിഭാഗം ഈ തീരുമാനം അറിയിച്ചത്.
നിരോധനം കർശനമായി നടപ്പാക്കാൻ പോലീസിന് അടിയന്തര നിർദേശം നൽകിയിട്ടുണ്ട്. പൊതുജനങ്ങൾ ഈ ഭാഗത്തുകൂടിയുള്ള യാത്ര പരമാവധി ഒഴിവാക്കി അധികൃതരുടെ നിർദേശങ്ങൾ പാലിക്കണമെന്ന് അഭ്യർഥിച്ചു.
അതേസമയം, ജില്ലയിലെ വിനോദസഞ്ചാര പ്രവർത്തനങ്ങൾ നേരത്തേ തന്നെ ജില്ലാ കളക്ടർ നിരോധിച്ചിരുന്നു. പുതിയ ഉത്തരവ് ഉണ്ടാകുന്നതുവരെ നിരോധനം തുടരുമെന്നും ജില്ലാ ഭരണകൂടം അറിയിച്ചു.
