വണ്ടിപ്പെരിയാർ: വണ്ടിപ്പെരിയാർ ഗവ. പോളിടെക്നിക് കോളേജിൽ 2025-ൽ വാഴൂർ സോമൻ എം.എൽ.എയുടെ ഫണ്ടിൽ നിന്ന് അനുവദിച്ച 15 ലക്ഷം രൂപ വിനിയോഗിച്ച് നിർമ്മിച്ച ഇന്റേണൽ റോഡിന്റെയും കൺസ്യൂമർ ക്ലബ്ബിന്റെയും ഉദ്ഘാടനവും പുതുതായി പ്രവേശനം നേടിയ വിദ്യാർത്ഥികൾക്കായുള്ള ഇൻഡക്ഷൻ പ്രോഗ്രാമിന്റെയും ഉദ്ഘാടനവും കോളജ് ഓഡിറ്റോറിയത്തിൽ നടന്നു.

പരിപാടി അഡ്വ. സിറിയക് തോമസ് എം.എൽ.എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ശാന്തി ഹരിദാസ് അധ്യക്ഷത വഹിച്ചു. പ്രിൻസിപ്പൽ സി. അനൂപ് സ്വാഗതം ആശംസിച്ചു.

ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ മണി മേഖല മുഖ്യപ്രഭാഷണം നടത്തി. അഴുത ബ്ലോക്ക് പഞ്ചായത്ത് ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ, ബ്ലോക്ക് പഞ്ചായത്തംഗം പി. എ. അബ്ദുൾ റഷീദ്, വനിത മുരുകൻ, പഞ്ചായത്ത് അംഗം നജീബ് തേക്കിൻകാട്ടിൽ, പീരുമേട് താലൂക്ക് സപ്ലൈ ഓഫീസർ എം. ഗണേശൻ, പി.ടി.എ ജോയിന്റ് സെക്രട്ടറി ജാൻസി ആന്റണി, ജോൺസൺ ആന്റണി എന്നിവർ സംസാരിച്ചു.