ഇടുക്കി ജില്ലയിലെ കുടുംബശ്രീ ജില്ലാ മിഷൻ നടപ്പിലാക്കുന്ന ഫാം ലൈവ്‌ലിഹുഡ് പദ്ധതികളിൽ ദേവികുളം ബ്ലോക്കിലെ ബ്ലോക്ക് കോ-ഓഡിനേറ്റർ തസ്തികയിലേക്ക് ദിവസവേതനാടിസ്ഥാനത്തിൽ നിയമനം നടത്തുന്നു.

ദേവികുളം ബ്ലോക്ക് പരിധിയിൽ സ്ഥിരതാമസക്കാരും വി.എച്ച്.എസ്.ഇ (അഗ്രി/ലൈവ്‌ലിഹുഡ്) യോഗ്യതയുള്ളവരുമായ ഉദ്യോഗാർഥികളിൽ നിന്നാണ് അപേക്ഷ ക്ഷണിച്ചിരിക്കുന്നത്. അപേക്ഷകരുടെ പ്രായപരിധി 18 മുതൽ 35 വയസ്സ് വരെയാണ്.

ഓഗസ്റ്റ് 13-ന് രാവിലെ 11 മണിക്ക് കുയിലിമലയിലെ കുടുംബശ്രീ ജില്ലാ മിഷൻ ഓഫീസിൽ വാക്ക്-ഇൻ ഇന്റർവ്യൂ നടക്കും. വിദ്യാഭ്യാസ യോഗ്യത തെളിയിക്കുന്ന അസൽ സർട്ടിഫിക്കറ്റുകളും അവയുടെ പകർപ്പുകളും സഹിതം ഹാജരാകണമെന്ന് ജില്ലാ മിഷൻ കോ-ഓഡിനേറ്റർ അറിയിച്ചു.കൂടുതൽ വിവരങ്ങൾക്ക്: 8078711998.