പുതുപ്പള്ളി: CPI-AITUC പുതുപ്പള്ളി മണ്ഡലം കമ്മിറ്റിയുടെ നേതൃത്വത്തിൽ പുതുപ്പള്ളി ഇരവിനല്ലൂർ ഗവൺമെന്റ് എൽ.പി. സ്കൂളിലും പുന്നത്തുറ സെന്റ് ജോസഫ് എൽ.പി. സ്കൂളിലും പ്രവർത്തിക്കുന്ന പ്രളയ ദുരിതാശ്വാസ ക്യാമ്പുകളിലേക്ക് ആവശ്യമായ വസ്ത്രങ്ങൾ വിതരണം ചെയ്തു.

കൂടാതെ, പുന്നത്തുറയിൽ പ്രവർത്തിക്കുന്ന ജനകീയ ദുരിതാശ്വാസ ക്യാമ്പിലേക്ക് അരി, പലവ്യഞ്ജനങ്ങൾ, പച്ചക്കറികൾ ഉൾപ്പെടെയുള്ള അവശ്യ ഭക്ഷ്യസാധനങ്ങളും മണ്ഡലം കമ്മിറ്റി കൈമാറി.

വിതരണ പ്രവർത്തനങ്ങൾക്ക് CPI പുതുപ്പള്ളി മണ്ഡലം സെക്രട്ടറി സിബി താളിക്കല്ല്, മണ്ഡലം സെക്രട്ടേറിയറ്റ് അംഗം കെ.ടി. അനിൽകുമാർ, കേരള സെക്യൂരിറ്റി എംപ്ലോയീസ് യൂണിയൻ സംസ്ഥാന സെക്രട്ടറി അജീഷ് മട്ടയ്ക്കൽ, ലോക്കൽ അസിസ്റ്റന്റ് സെക്രട്ടറി ധനുണ്ണി ഉണ്ണിപെരുമാൾ എന്നിവർ നേതൃത്വം നൽകി.