ചെറുതോണി: ഓണാഘോഷത്തിന്റെ ഭാഗമായി ഇടുക്കി, ചെറുതോണി അണക്കെട്ടുകൾ സന്ദർശകർക്കായി തുറന്നു. ഈ മാസം 31 വരെയാണ് അണക്കെട്ടുകളിലേക്ക് പ്രവേശനം അനുവദിക്കുക. രാവിലെ 9.30 മുതൽ വൈകീട്ട് 5 വരെയാണ് സന്ദർശന സമയം.

ഓൺലൈനായി മുൻകൂട്ടി ബുക്ക് ചെയ്ത് എത്തുന്നവർക്ക് മാത്രമാണ് പ്രവേശനം. ബുധനാഴ്ചകളിലും റെഡ് അലർട്ട് പ്രഖ്യാപിച്ച ദിവസങ്ങളിലും സന്ദർശകരെ അനുവദിക്കില്ല. തിരക്ക് നിയന്ത്രിക്കുന്നതിന്റെ ഭാഗമായി പാർക്കിങ് ക്രമീകരണങ്ങളും ഏർപ്പെടുത്തിയിട്ടുണ്ട്. ചെറുതോണി അണക്കെട്ടിന് സമീപത്തെ പാർക്കിങ് ഏരിയയിൽ വാഹനങ്ങൾ പാർക്ക് ചെയ്യാം.

ബഗ്ഗി കാർ ഉൾപ്പെടെയുള്ള പ്രവേശനത്തിന് കുട്ടികൾക്ക് 100 രൂപയും മുതിർന്നവർക്ക് 150 രൂപയുമാണ് ഫീസ്. അണക്കെട്ടിന് മുകളിലൂടെ നടന്നുമാത്രം സന്ദർശിക്കുന്നവർക്ക് കുട്ടികൾക്ക് 30 രൂപയും മുതിർന്നവർക്ക് 50 രൂപയുമാണ് നിരക്ക്.

പ്രവേശന പാസ് ഓൺലൈനായി ബുക്ക് ചെയ്യാം:

www.keralahydeltourism.com⁠�