കൊല്ലം തിരുമംഗലം ദേശീയപാതയിൽ നിയന്ത്രണം വിട്ട ടോറസ് ലോറി ആശുപത്രിയിലേക്ക് ഇടിച്ചുകയറി
Reporter | Kerala Journal 
കൊല്ലം : ഇന്നലെ പുലർച്ചെയാണ് അപകടം. ആര്യങ്കാവില് നിന്ന് കൊല്ലത്തേക്ക് പോയ ലോഡ് കയറ്റിയ ടോറസ് ലോറിയാണ് അപകടത്തില്പ്പെട്ടത്.
ഡ്രൈവർ ആര്യങ്കാവ് പതിനാറേക്കർ ചരുവിള പുത്തൻവീട്ടില് എസ്.സൂര്യയ്ക്ക് (26) പരിക്കേറ്റു. കൊട്ടാരക്കര ഫയർഫോഴ്സ് എത്തി വാഹനത്തിന്റെ കാബിൻ വെട്ടിപ്പൊളിച്ചാണ് ഡ്രൈവറെ പുറത്തെടുത്തത്.
ഡ്രൈവർ ഉറങ്ങിപ്പോയതാണ് അപകട കാരണമെന്ന് പൊലീസ് പറയുന്നു.പുലർച്ചെയായതിനാലാണ് വൻ ദുരന്തം ഒഴിവായത്.
