ജിഎസ്ടി പരിഷ്കരണത്തിന് പിന്നാലെ വില കുറച്ച്‌ മില്‍മ. നെയ്യ്, വെണ്ണ, പനീര്‍, ഐസ്‌ക്രീം തുടങ്ങി നൂറിലധികം പാല്‍ ഉത്പന്നങ്ങളുടെ വിലയാണ് കുറച്ചിരിക്കുന്നത്.

ഐസ്‌ക്രീമിന് 12 മുതല്‍ 13 ശതമാനം വരെ വിലക്കുറവ് ഉണ്ടാകും. നെയ്യ്, വെണ്ണ, പനീര്‍ എന്നിവയുടെ വിലയില്‍ ഏഴ് ശതമാനത്തോളം കുറവാണ് ഉണ്ടാവുക. പുതിയ ജിഎസ്ടി പരിഷ്കരണത്തിന്റെ ഭാഗമായി ഐസ്‌ക്രീം ഉത്പന്നങ്ങളുടെ ജിഎസ്ടി നിരക്ക് 18 ശതമാനത്തില്‍ നിന്ന് അഞ്ച് ശതമാനമാക്കി കുറച്ചിരുന്നു. 

നിലവില്‍ 720 രൂപ വിലയുള്ള നെയ്യ് 675 രൂപയായി കുറയും. അരലിറ്റര്‍ നെയ്യിന് 25 രൂപ കുറയും. അതോടെ 370 രൂപയില്‍ നിന്നും 345 രൂപയാകും.

പുതിയ ജിഎസ്ടി നികുതികള്‍ നിലവില്‍ വരുന്നതു മുതൽ മില്‍മ പാല്‍ ഉല്‍പന്നങ്ങളുടെ വിലയും കുറയുമെന്ന് അധികൃതർ അറിയിച്ചു.