സമാപന ദിനത്തില്‍ സംഘര്‍ഷ വേദിയായി കലോത്സവ നഗരി
സംഘനൃത്തം, ബാന്‍ഡ്‌ മേളം, മാര്‍ഗം കളി വേദികളാണ്‌ പ്രതിഷേധങ്ങള്‍ക്കും കൈയ്യാങ്കളിക്കും വേദിയായത്‌
Reporter | Kerala Journal 
സംഘനൃത്തവേദിക്കരുകില്‍ നൃത്താധ്യാപകര്‍ തമ്മില്‍ വ്യാഴാഴ്ച രാത്രി സംഘര്‍ഷമുണ്ടായതാണ് ആദ്യ സംഭവം.
പ്രധാന വേദിയില്‍ ഹയര്‍ സെക്കന്‍ഡറി വിഭാഗം സംഘനൃത്തം നടക്കുന്നതിനിടയിലാണ്‌ രണ്ട്‌ നൃത്താധ്യാപകര്‍ തമ്മില്‍ തര്‍ക്കവും സംഘര്‍ഷവുമുണ്ടായത്‌. തുടര്‍ന്ന്‌ പോലീസിന്റെ ഇടപെടലില്‍ പ്രശ്‌നം പരിഹരിച്ചു.
വെള്ളിയാഴ്‌ച പുലര്‍ച്ചെ ഇതേ മത്സരയിനത്തിന്റെ ഫല പ്രഖ്യാപനവുമായി ബന്ധപ്പെട്ട്‌ കുമാരമംഗലം എം.കെ.എന്‍.എം.എച്ച്‌.എസിലെ മത്സരാര്‍ഥികള്‍ വേദിയില്‍ കുത്തിയിരുന്ന്‌ പ്രതിഷേധിച്ചു. സംഘനൃത്തത്തിന്റെ ഫലപ്രഖ്യാപനവുമായി ബന്ധപ്പെട്ടായിരുന്നു ഇവരുടെയും പ്രതിഷേധം.
പിന്നാലെ ബാന്റ്‌മേളം, മാര്‍ഗംകളി മത്സരങ്ങളുടെ വിധി നിര്‍ണയവുമായി ബന്ധപ്പെട്ട്‌ രണ്ടാമതെത്തിയ സ്‌കൂളുകള്‍ പ്രതിഷേധവുമായെത്തിയത്‌.
സംഘര്‍ഷത്തിലേക്ക്‌ വഴിമാറിയതോടെ പോലീസ്‌ ഇടപെട്ട്‌ അപ്പീല്‍ നല്‍കാന്‍ നിര്‍ദ്ദേശിച്ച്‌ പ്രശ്‌നം പരിഹരിച്ചത്‌.
