തിരുവനന്തപുരം: ജനങ്ങളുടെ ശാരീരിക–മാനസിക ആരോഗ്യ സംരക്ഷണത്തിനായി സംസ്ഥാന സർക്കാർ ആരംഭിക്കുന്ന ‘ആരോഗ്യം ആനന്ദം – Vibe 4 Wellness’ ക്യാമ്പയിൻ മുഖ്യമന്ത്രി ഇന്ന് (01/01/2026) തിരുവനന്തപുരത്ത് വച്ച് ഉദ്ഘാടനം ചെയ്യും. പുതുവത്സര ദിനത്തിൽ ആരോഗ്യകരമായ ജീവിതശൈലി പ്രോത്സാഹിപ്പിക്കുന്നതിന്റെ ഭാഗമായാണ് ക്യാമ്പയിൻ ആരംഭിക്കുന്നത്.

ആരോഗ്യ ബോധവത്കരണം, മാനസിക ആരോഗ്യം, ശാരീരിക ക്ഷമത, ജീവിതശൈലി രോഗങ്ങൾ തടയൽ എന്നിവയാണ് ക്യാമ്പയിൻ്റെ പ്രധാന ലക്ഷ്യങ്ങൾ. പൊതുജന പങ്കാളിത്തത്തോടെ നടപ്പാക്കുന്ന പരിപാടികളിലൂടെ ആരോഗ്യം സന്തോഷത്തിന്റെ അടിസ്ഥാനം ആക്കുകയാണ് പദ്ധതിയുടെ ഉദ്ദേശം.

സംസ്ഥാനത്തുടനീളം വിവിധ വകുപ്പുകളുടെ സഹകരണത്തോടെ ക്യാമ്പയിൻ പ്രവർത്തനങ്ങൾ സംഘടിപ്പിക്കും. വ്യായാമം, യോഗ, ആരോഗ്യ പരിശോധനകൾ, കൗൺസിലിംഗ് സെഷനുകൾ, ബോധവത്കരണ ക്ലാസുകൾ തുടങ്ങിയവ പദ്ധതിയുടെ ഭാഗമായി നടത്തും.