ഇടുക്കി: കുടുംബശ്രീ ജില്ലാമിഷന്റെ എഫ്.എൻ.എച്ച്‌.ഡബ്ലിയു പദ്ധതിയിലേക്ക് കമ്മ്യൂണിറ്റി റിസോഴ്സ് പേഴ്സൺ (സി.ആർ.പി), വോളന്ററി റിസോഴ്സ് പേഴ്സൺ (വി.ആർ.പി) തസ്തികകളിലേക്ക് നിയമനം നടത്തുന്നതിന്റെ ഭാഗമായി വാക്ക്-ഇൻ ഇന്റർവ്യൂ സംഘടിപ്പിക്കുന്നു.

വനിതകൾക്ക് അപേക്ഷിക്കാം. അഴുത, ദേവികുളം ബ്ലോക്കുകളിലായി 41 സി.ആർ.പി ഒഴിവുകളും 54 വി.ആർ.പി ഒഴിവുകളുമാണ് നിലവിലുള്ളത്. ഏതെങ്കിലും വിഷയത്തിൽ ബിരുദമാണ് യോഗ്യത. അപേക്ഷകരുടെ പരമാവധി പ്രായപരിധി 45 വയസ്.

വിദ്യാഭ്യാസയോഗ്യതയും പ്രായവും തെളിയിക്കുന്ന അസൽ സർട്ടിഫിക്കറ്റുകളും പകർപ്പുകളും ബയോഡേറ്റയും സഹിതം 28-ാം തീയതി രാവിലെ 11ന് കുയിലിമലയിലുള്ള കുടുംബശ്രീ ജില്ലാ മിഷൻ ഓഫീസിൽ അഭിമുഖത്തിനായി ഹാജരാകണം.

ഇതേ തസ്തികകളിലേക്ക് മുമ്പ് അപേക്ഷ സമർപ്പിച്ചിട്ടുള്ളവരും നിർബന്ധമായും അഭിമുഖത്തിന് ഹാജരാകണമെന്ന് അധികൃതർ അറിയിച്ചു.