ഉപ്പുതറ: ഉപ്പുതറ ലയൺസ് ക്ലബ്ബിന്റെ നേതൃത്വത്തിൽ ആറാം ലയണിസ്റ്റിക് വർഷത്തിൽ നിർമ്മിക്കുന്ന ഏഴാമത്തെ വീടിന്റെ നിർമ്മാണ പ്രവർത്തനങ്ങൾ ആരംഭിച്ചു. ഉപ്പുതറ പഞ്ചായത്തിലെ ആനപ്പള്ളത്താണ് വീട് നിർമ്മിക്കുന്നത്.

ക്ലബ്ബ് രൂപീകരിക്കപ്പെട്ട് രണ്ടു വർഷത്തിനുള്ളിൽ നിർമ്മിക്കുന്ന പതിനൊന്നാമത്തെ വീടാണിത്. ആനപ്പള്ളത്ത് നിർമ്മിക്കുന്ന വീടിന്റെ കട്ടളവെപ്പ് കർമ്മം ഉപ്പുതറ ലയൺസ് ക്ലബ്ബ് പ്രസിഡന്റ് സജിൻ സ്‌കറിയയും പാസ്റ്റർ സുബിനും ചേർന്ന് നിർവഹിച്ചു.

പരിപാടിക്ക് ക്ലബ്ബ് അംഗങ്ങളായ ജോയി സേവ്യർ, റെജികുമാർ പി.ജി, സോജൻ ജോസഫ്, ബാബു ജോസഫ്, ബിജു കരുവാകുന്നേൽ, സോജു ജോസഫ്, ഡോ. ഷിനു ടി. ലാൽ, റോജി മാത്യു, റോയി മണ്ണാറത്ത്, പ്രിൻസ് മൈലാടുംപാറ, താജ് സയ്യിദ് എന്നിവർ നേതൃത്വം നൽകി.