കഞ്ഞിക്കുഴി എസ്.എൻ. ഹയർ സെക്കൻഡറി സ്കൂളിൽ സ്റ്റുഡന്റ് പോലീസ് കേഡറ്റുകളുടെ പാസ്സിംഗ് ഔട്ട് പരേഡ് നടന്നു. 2024–26 ബാച്ചിലെ സീനിയർ കേഡറ്റുകളുടെ പരേഡിൽ ഇടുക്കി സബ് കളക്ടർ അനൂപ് ഗാർഗ് ഐഎഎസ് അഭിവാദ്യം സ്വീകരിച്ചു.

ഇടുക്കി ജില്ലാ എസ്.പി.സി പദ്ധതിയുടെ അഡീഷണൽ ഡിസ്ട്രിക്ട് നോഡൽ ഓഫീസർ എസ്.ആർ. സുരേഷ് ബാബു പരിശീലനം പൂർത്തിയാക്കിയ 44 സീനിയർ കേഡറ്റുകൾക്ക് ദേശീയ പതാകയെ സാക്ഷിയാക്കി പ്രതിജ്ഞാവാചകം ചൊല്ലിക്കൊടുത്തു.

ചടങ്ങിൽ അഡീഷണൽ പോലീസ് സൂപ്രണ്ട് ഇമ്മാനുവൽ പോൾ, കഞ്ഞിക്കുഴി പോലീസ് ഇൻസ്പെക്ടർ ഇൻ ചാർജ് താജുദ്ദീൻ അഹമ്മദ്, കഞ്ഞിക്കുഴി ഗ്രാമപഞ്ചായത്ത് പ്രസിഡന്റ് കോമളം മോഹൻദാസ്, സ്കൂൾ ഹെഡ്മിസ്ട്രസ് മിനി ഗംഗാധരൻ, വാർഡ് മെമ്പർ ദീപ ജോസഫ്, പിടിഎ പ്രസിഡന്റ് കലേഷ് രാജു എന്നിവർക്ക് കേഡറ്റുകൾ അഭിവാദ്യം അർപ്പിച്ചു.

ഹയർ സെക്കൻഡറി പ്രിൻസിപ്പൽ രാജി ജോസഫ്, വിഎച്ച്എസ്ഇ പ്രിൻസിപ്പൽ ബൈജു എം.പി, എംപിടിഎ പ്രസിഡന്റ് മിനി ജെയിംസ്, പിടിഎ വൈസ് പ്രസിഡന്റ് അമ്പിളി സന്തോഷ് എന്നിവർ ഉൾപ്പെടെ നിരവധി പേർ ചടങ്ങിൽ പങ്കെടുത്തു.