സുരക്ഷിത ഇന്റർനെറ്റ് ദിനാചരണത്തിന്റെ ഭാഗമായി നടക്കുന്ന അഖിലേന്ത്യാ ക്യാമ്പയ്നിന്റെ ഭാഗമായി ഇന്ന് രാവിലെ 10.30 മുതൽ ഇടുക്കി കളക്ടറേറ്റ് കോൺഫറൻസ് ഹാളിൽ ബോധവത്കരണ ശിൽപ്പശാല സംഘടിപ്പിക്കും. അഡീഷണൽ ജില്ലാ മജിസ്‌ട്രേറ്റ് ഷൈജു പി. ജേക്കബ് ശിൽപ്പശാല ഉദ്ഘാടനം ചെയ്യും.

ഇന്റർനെറ്റിന്റെയും എ.ഐ ഉപകരണങ്ങളുടെയും സുരക്ഷിതവും ഉത്തരവാദിത്തപരവും നീതിപൂർവവുമായ ഉപയോഗം സംബന്ധിച്ച ബോധവത്കരണം ശിൽപ്പശാലയുടെ പ്രധാന ലക്ഷ്യമാണ്. സൈബർ തട്ടിപ്പുകൾ, തെറ്റിദ്ധരിപ്പിക്കുന്ന വിവരങ്ങൾ, ഡാറ്റ സ്വകാര്യതയെ ബാധിക്കുന്ന വിഷയങ്ങൾ തുടങ്ങിയ ഓൺലൈൻ ചതിക്കുഴികളെക്കുറിച്ചും പങ്കെടുക്കുന്നവരിൽ അവബോധം സൃഷ്ടിക്കും.

സുരക്ഷിത ഡിജിറ്റൽ രീതികൾ പ്രോത്സാഹിപ്പിക്കുന്നതിനുള്ള വിവിധ സെഷനുകളും പരിപാടിയുടെ ഭാഗമായി ഒരുക്കിയിട്ടുണ്ട്.